Tuesday, December 24, 2024

Masiyxtıń atı ushın masqaralanıp atırǵan bolsańız, sizler baxıtlısızlar! Sebebi Qudaydıń ullı Ruwxı ústińizde boladı. Jáne hesh birińiz adam óltiriwshi, urı, jamanlıq islewshi yamasa basqalardıń jumısına aralasıp, kesent beretuǵın bolıp, azap shekpesin.

1 Petr 4:14-15

Sizler jaqsı dep esaplaǵan nársege sóz kelmesin.

Rimliler 14:16

Isenbeytuǵınlar arasında hadal ómir súrińler. Olar sizlerdi jamanlıq islewshiler, dep ayıplasa da, jaqsı islerińizdi kórip, Quday keletuǵın kúni Onı alǵıslaydı.

1 Petr 2:12

Isenbeytuǵınlar menen birge bir moyıntırıqtıń astına kirmeńler. Óytkeni haqlıq penen nızamsızlıqtıń arasında qanday uqsaslıq bar? Nur menen qarańǵılıqtıń arasında qanday baylanıs bar?

2 Korinfliler 6:14

Qudaydıń ibadatxanası menen butlar arasında qanday birlik bolıwı múmkin? Hesh qanday! Sebebi bizler tiri Qudaydıń ibadatxanasımız. Quday bılay deydi: «Men olar arasında jasap, Olar arasında júretuǵın bolaman». «Men olardıń Qudayı bolaman, Olar Meniń xalqım boladı». Sol sebepten Jaratqan Iye bılay deydi: «Olardıń arasınan shıǵıp, bólekleniń. Haram nársege qol tiygizbeń, Sonda Men sizlerdi qabıl etemen».

2 Korinfliler 6:16-17

Biraq sizler Quday tárepinen tańlanǵan adamlar, Patshanıń ruwxaniyleri, muxaddes millet hám Qudayǵa tiyisli xalıqsız. Sizler ózlerińizdi qarańǵılıqtan Óziniń ájayıp nurına shaqırǵan Qudaydıń tań qalarlıq islerin járiyalaw ushın tańlandıńlar.

1 Petr 2:9