Tuesday, December 17, 2024

Biraq aldanıp qalmańlar: jaman doslar jaqsı ádetlerden ayıradı.

1 Korinfliler 15:33

Sizlerdiń maqtanǵanıńız durıs emes. Azǵantay ashıtqı pútkil qamırdı ashıtatuǵının bilmeysizler me? Sonlıqtan sizler eski ashıtqıdan tazalanıp, jańa qamır bolıńlar. Sizler negizinde ashıtqısız qamırsızlar. Óytkeni Masiyx, yaǵnıy Qutqarılıw bayramına arnalǵan Qozımız shalındı.

1 Korinfliler 5:6-7

Men óz xatımda buzıqshılıq isleytuǵınlar menen qatnas jasamań, dep sizlerge jazǵan edim. Degen menen, men ulıwma bul dúnyadaǵı buzıq, nápsiqaw, tonawshı yamasa butparaz adamlardı názerde tutqan joqpan. Eger olay bolǵanda, sizler bul dúnyadan shıǵıp ketiwge májbúr bolar edińler! Biraq, ózin iseniwshi tuwısqanıńızban dep atap turıp, buzıq, nápsiqaw, butparaz, jalaxor, máskúnem yamasa tonawshı bolǵan adam menen qatnas jasamawıńızdı, hátte, sonday adam menen birge awqat ta jemewińizdi jazǵan edim.

1 Korinfliler 5:9-11

15-Sonda sizler adasqan hám buzılǵan áwlad arasında Qudaydıń kemshiliksiz, taza hám minsiz balaları bolasızlar. Qudaydıń ómir beretuǵın sózlerin basqalarǵa jetkizip, dúnyadaǵı juldızlar sıyaqlı jarqıraysızlar. Solay etip, meniń jan-tánim menen qılǵan miynetim bosqa ketpey, Masiyxtıń qayta keletuǵın kúninde maqtana alaman.

Filipliler 2:15

Úlken bir úyde tek altın hám gúmis ıdıslar emes, al aǵash hám ılay ıdıslar da bar. Olardıń birewleri sıylı, al birewleri sıysız is ushın qollanıladı.

2 Timofey 2:20