Saturday, December 14, 2024

Maǵan alǵıs-maqtaw aytıwı ushın, Ózim ushın jarattım bul xalıqtı.

Iyshaya 43:21

Olardı aldımda islegen barlıq gúnalarınan tazalayman hám Maǵan qarsı bas kóterip, islegen barlıq ayıpların keshiremen. Dúnyadaǵı barlıq milletler olarǵa islegen hámme jaqsılıqlarımdı esitedi hám bul qala jer betindegi barlıq xalıqlar aldında Maǵan quwanısh, alǵıs, ataq-abıray hám dańq alıp keledi. Erusalimge islegen hámme jaqsılıqlarım hám bergen paraxatshılıǵım tuwralı esitip, bul milletler qorqıp titiresedi.

Eremiya 33:8–9

Sonlıqtan Iysa arqalı Qudayǵa úzliksiz maqtawlarımızdı qurbanlıq sıpatında usınayıq. Yaǵnıy, Onıń atına degen alǵıslarımız awzımızdan túspesin.

Evreyler 13:15

Jaratqan Iye, qudaylar arasında Saǵan uqsaǵanı bar ma? Sen sıyaqlı muxaddeslikte ullı, aybatı menen alǵısqa ılayıq bolǵan, Káramatlar jaratıwshı bar ma?

Shıǵıw 15:11

Olar Qudaydıń xızmetshisi Muwsanıń hám Qozınıń qosıǵın aytıp turǵan edi: «Qúdireti kúshli Quday Jaratqan Iye, Seniń isleriń ullı hám ájayıp, O, milletler Patshası! Seniń jollarıń haqıyqat hám ádil.

Ayan 15:3