Monday, December 9, 2024

Háy, adamzat, neniń jaqsı ekenin, Jaratqan Iye bildirdi saǵan, Onıń sennen talap qılatuǵını ibaratdur mınadan: Ádillik qılıp, súyispenshilikke sadıq bol, Múláyim bolıp, Quday menen birge júr.

Mixa 6:8

Sonda Samuel Shaulǵa bılay dep juwap berdi: – Jandırılatuǵın hám basqa qurbanlıqlar bergennen góre, Ózine qulaq asqanlarǵa Jaratqan Iye kóbirek quwanbay ma? Qulaq asıw qurbanlıqtan, boysınıw qoshqardıń mayınan artıǵıraq.

1 Patshalar 15:22

Qudaydı pútkil júregiń, pútkil aqılıń, pútkil kúshiń menen súyiw hám ózińdi súygeniń sıyaqlı, janıńdaǵı adamdı da súyiw – hámme jandırılatuǵın qurbanlıqlardan hám Quday jolına berilgen sadaqalardan artıq, – dedi.

Mark 12:33

Sonlıqtan Qudayıńa qayt sen, Súyispenshilikti hám ádillikti saqla, Hámme waqıtta Qudayıńdı kút.

Hoshea 12:6

Martanıń Máriyam degen sińlisi bar edi. Ol Iysanıń ayaq betinde otırıp, Onıń sózlerin tıńladı.

Luka 10:39

Tek bir nárse ǵana zárúr. Máriyam durıs joldı tańladı, bul onnan tartıp alınbaydı, – dedi.

Luka 10:42

Sebebi Ózine unaǵan islerdi qálewińiz hám islewińiz ushın, Qudaydıń Ózi sizlerge túrtki saladı.

Filipliler 2:13