Июнь 2021 –«Ырайым ҳәм Ҳақыйқат» журналы
Төмендеги мағлыўматты бизге АҚШтың Колорадо штатындағы оқыўшымыз 1 Коринфлилер 10:31 менен бирге жиберди: «Солай етип, жесеңиз де, ишесеңиз де, ямаса не ислесеңиз де, бәршесин де Қудайдың даңқы ушын ислең» (ЖЖТ).
Сол жерде ашаршылық болды. Сонда бир адам Бетлехем-Яҳудадан Муаб елине, өзи, ҳаялы ҳәм еки улы менен бирге көшип барды. —Рут 1:1 ЖНД Неге Елимелек ҳәм Наоми Муабқа барды? Қыйыншылықлар ҳәм машқалалар көбейген, ал қоңсылар жәрдем бере алмаған сол қәўипли дәўирлерде, олардың исеними жағдайлардан жоқары көтериле алмады. Бул тек оларға ғана тийисли емес. Исеним менен қутқарылған болса да, сынақ ҳәм қыйыншылық дәўирлеринде исеним менен жүре алмайтуғынлар қаншама. Қутқарылыў ушын Қудайға исенсе де, шаңарақлық мүтәжликлери ушын қорқыў ҳәм қәўиплик сезиминде болғанлар қаншама. Ол жоқ болып кетти ме сонда – «Мен сени ҳеш қашан тасламайман, ҳеш қашан тәрк етпеймен» (Еврейлерге 13:5 КЖВ) деген Ол? Билимимиздиң қаншалық үлкен жоғалтыўы,ҳәтте бир ўақытлары бизде болған билимди де, ҳақыйқый Қутқарыўшыны умытып, жүреклеримиз дүнья нәрселерине умтылғанда!
