Imanıńızda bekkem turıń
Biz Rabbımız Isa Mesi ushın turǵanlıǵı ushın jaman qatnasqa ushıraǵan múminler haqqındaǵı gúrrińlerdi esitemiz. Olar tek ǵana Muqaddes Kitap haqıyqatına sáykes Rabbıǵa isenim menen eriwge umtılǵanlıǵı ushın azap shekti. Kópshiligi óz múlklerin joǵalttı hám jumıslarınan ayrıldı; geybirewleri urıldı, qamaqqa alındı hám túrmede otırdı. Fokshtiń Sheyitler Kitabı Mesixtiń Ózine isengenligi ushın óltirilgen kóplegen adamlardı atap ótedi.
Qudaydıń Sózinde biz Isa Mesi hám Onıń zulumshı adamlar qolınan shekken azapları haqqında oqıymız. Biz Yeremiyanıń qudıqtıń balshıǵına batıp ketkenin (Yeremiya 38), Daniyeldıń arıslanlar úyine taslanǵanın (Daniyel 6) hám atı atalmaytuǵın bir adamdıń sinagogadan shıǵarılıp, sol sebepli óz jámiyetindegi hár bir adam tárepinen shetletilgenin [itibarǵa alınbaǵan yamasa jek kórilgen] oqıymız (Yuhanna 9).
Basqalar masqaralaw hám qamshılawdı, ya, sonday-aq shınjırlar hám qamaqqa alıwdı bastan keshirdi. Olar taslandı, olar eki bólekke kesildi, olar sınawǵa ushıradı, olar qılısh penen óltirildi, olar qoy terilerinde, eshki terilerinde, joqshılıqta, azapta, jaman qatnasta (dúnya olarǵa layıq bolmaǵan adamlar) júrdi, shóllerde hám tawlarda hám úńgirlerde hám jer astı oyıqlarında gezdi (Evreylerge 11:36-38 NASB). Quday Óz xalqı qıyınshılıqqa ushıraǵan hár bir jaǵdaydı esapqa alǵan.
Jurnaldıń bul temanı qosıwdaǵı niyetimiz, bunday sınawlardı bastan keshirip atırǵanlarǵa ruwxlandırıw beriw edi. Biz Rabbımız bul maqalalardı qıyınshılıqtıń túrli táreplerin úyreniw arqalı sol maqsette qollanadı dep úmit etemiz. Maǵan Isanıń aytqan bir qımbatlı ayatı esime túsedi:
Men sizlerge buyırǵan barlıq nárselerdi saqlań; hám mine, men sizler menen hárdayım, ásirdiń aqırına shekem (Matta 28:20). Pawıl Timotiyge, Rabbınıń onı úsh qaladaǵı qıyınshılıqlardan hám azaplardan qalay qutqarǵanın aytqannan keyin, onı «úyrenip, isengen nárselerińde qala beriwge» «kimnen úyrengenińdi bilip, hám balalıǵıńnan baslap Muqaddes Jazıwlardı bilgenińdi, olar seni Mesi Isaǵa isenim arqalı qutqarılıwǵa alıp keletuǵın danalıq beriwge qábiletli» (2 Timotiyge 3:14-15) dep úgittedi. Muqaddes Ruhtıń múminlerge, qıyınshılıqqa ushırasa da, ushıramasa da, úgiti – isenimli bolıw! Qutqarılıw kúni tez arada keledi!
