Wednesday, August 13, 2025

Men barıp, sizler ushın orın tayarlaǵanımnan soń, sizler de Men bolatuǵın jerde bolıwıńız ushın, jáne kelip, sizlerdi Óz janıma alıp ketemen.

Yuxan 14:3

Ol bizlerdi shirimeytuǵın, pák hám eskirmeytuǵın bir miyrasqa eristirdi. Usı miyras sizler ushın aspanda saqlawlı tur.

1 Petr 1:4

Sebebi bul jerde bizlerdiń máńgilik qalamız joq. Bizler keleshekte aspannan túsetuǵın qalanı árman etemiz.

Evreyler 13:14

– Háy, galilalılar, nege aspanǵa qarap tursızlar? Sizlerden aspanǵa alınǵan bul Iysanıń qalay kóterilgenin kórgenińizdey, Ol anıq solay qaytıp keledi, – dedi.

Elshiler 1:11

Solay etip, tuwısqanlarım, Iyemiz kelgenshe, sabırlı bolıńlar! Áne, diyxan sabırlılıq etip, birinshi hám sońǵı jawınlar jawǵansha, jerdiń qımbatlı zúráátin kútip atır. Sizler de sabırlı bolıp, bekkem turıńlar! Óytkeni Iyemizdiń keletuǵın waqtı jaqın.

Yaqıp 5:7-8

Sebebi Quday bir payǵambarı arqalı bılay degen: «Endi az-maz waqıttan keyin, Keletuǵın tez arada keledi, Ol keshikpeydi.

Evreyler 10:37

Onnan soń, jasap atırǵan bizler, yaǵnıy tiri qalǵanlar olar menen birge Iyemizdi hawada kútip alıw ushın, bultlar ishine alınıp kóterilemiz. Solay etip, hámme waqıt Iyemiz benen birge bolamız. Mine, usı sózler menen bir-birińizdi jubatıńlar.

1 Salonikalılar 4:17-18