Monday, February 3, 2025

Qudaydıń kózleri adamnıń jolın gúzetip turadı, Ol adam basqan hár bir adımdı kóredi. Jawızlıq islewshiler jasırınıw ushın, Qarańǵılıq ta, túnek te joq.

Ayup 34:21-22

Qupıya jerge jasırınǵandı, Meni kórmeydi dep oylaysız ba? – deydi Jaratqan Iye. – Aspan menen jerdi Men toltırmayman ba? – deydi Jaratqan Iye.

Eremiya 23:24

Isleriń menen meni quwandırdıń, Jaratqan Iye, Qollarıńnıń isleri sebepli shadlanıp baqıraman. Qanday ullı islegen isleriń, Jaratqan Iye, Oy-pikirleriń júdá tereń!

Zabur 91:5-6

Biraq Sen máńgige ullısań, Jaratqan Iye. Mine, Jaratqan Iye, dushpanlarıń sózsiz, Awa, sózsiz qırılıp ketedi, Jawızlıq islewshilerdiń hámmesi tarqalıp ketedi.

Zabur 91:9-10

Diywalları bir-biri menen tutasqan, Erusalim bekkem qala bolıp salınǵan.

Zabur 121:3

Ol jerde húkim taxtları, Dawıt urpaǵınıń taxtları qurılǵan. Tınıshlıq tileń Erusalimge: «Seni súyetuǵınlar tınısh ómir súrsin! Seniń diywallarıńnıń ishinde tınıshlıq, Qorǵanlarıńda biyqáterlik bolsın!»

Zabur 121:5-7

Qolları pák, júregi taza bolǵan, Kewlin jalǵan nárselerge bermegen, Jalǵannan ant ishpegen adam.

Zabur 23:4