Kúndelik Jarıq

Quyashtıń sulıwlıǵı basqa, aydıń sulıwlıǵı basqa, juldızlardıń sulıwlıǵı basqa. Sulıwlıǵı boyınsha, juldız juldızdan parıq qıladı.

1 Korinfliler 15:41

Biraq olar úndemedi. Óytkeni olar jol boyı arasında kimniń eń ullı ekenligi haqqında tartısqan edi. Iysa otırıp, on eki shákirtin shaqırıp aldı da, olarǵa: – Eger kim de kim birinshi bolǵısı kelse, sol eń sońǵı bolıp, hámmege xızmet etiwi shárt, – dedi.

Mark 9:34-35

Háy jaslar, sol sıyaqlı sizler de aqsaqallarǵa boysınıńlar. Hámmeńiz bir-birińiz benen kishipeyil qatnasta bolıńlar. Sebebi: «Quday menmenlerge qarsı turadı, Biraq kishipeyillilerge Óz miyrimin beredi». Sonlıqtan ózlerińizdi Qudaydıń qúdiretli qolı astında pás tutıńlar. Sonda belgilengen waqıt kelgende, Ol sizlerdi mártebeli etedi.

1 Petr 5:5-6

Masiyx Iysada bolǵan mına kishipeyillikke sizler de iye bolıńlar: Masiyx qudaylıq tábiyatqa iye bola tura, Qudayǵa teń ataqtı alıwǵa umtılıwdı Ózine minásip kórmedi. Al Óz ullılıǵınan waz keship, qul kelbetin qabılladı. Ol adam bolıp tuwılıp, adam kórinisinde keldi.

Filipliler 2:5-7

Sonlıqtan da, Quday Onı eń biyik mártebege eristirdi hám Oǵan barlıq atlardan joqarı turatuǵın attı berdi. Solay etip, Iysanıń atı atalǵanda aspandaǵılardıń, jerdegilerdiń hám jerdiń astındaǵılardıń barlıǵı dize búgip,

Filipliler 2:9-10

Danalar ashıq aspan sıyaqlı jaynaydı, adamlardı ádil jolǵa jetelegenler bolsa, juldızlar yańlı udayına máńgi-baqıy jarqıraydı.

Daniel 12:3