Kúndelik Jarıq

Tili shiyrin, Qáddi-qáwmeti kelisken. Usı meniń súyiklim, usı meniń dostım, Háy, Erusalim qızları!

Qosıqlar qosıǵı 5:16

Ol buyırǵanda, shegirtkeler keldi, Sansız shekshekler payda boldı.

Zabur 104:34

Súyiklim meniń qızıl júzli, quwatlı, On mıń adamnıń arasında ayırılıp turar.

Qosıqlar qosıǵı 5:10

Óytkeni Muxaddes Jazıwda bılay delingen: «Mine, Men Ózim tańlaǵan biybaha bir tastı, múyeshke qoyılatuǵın tiykarǵı tastı Sionda ornataman. Oǵan isengen adam hesh qashan uyatqa qalmaydı».

1 Petr 2:6

Quday bizlerdiń panamız hám kúshimiz, Apatta qalǵanımızda, isenimli járdemshimiz.

Zabur 45:2

Sonlıqtan da, Quday Onı eń biyik mártebege eristirdi hám Oǵan barlıq atlardan joqarı turatuǵın attı berdi.

Filipliler 2:9

Sebebi Quday Óziniń pútkil tolılıǵınıń Onda bolıwın maqul kórdi.

Kolosalılar 1:19

Sizler Masiyxtı kórmegen bolsańız da, Onı súyesizler. Házir Onı kóre almasańız da, Oǵan isenip, sóz benen aytıp jetkiziwge qıyın bolǵan bir ájayıp hám ullı quwanısh penen shadlanbaqtasızlar.

1 Petr 1:8

8-Awa, men hámme nárseni Iyem Masiyx Iysanı biliwdiń artıqmashlıǵı aldında paydasız dep sanayman. Jáne de, men Masiyx ushın hámme nárseden bas tarttım hám Oǵan erisip, Onıń menen birge bolıw ushın, hámmesin sıpırındı dep esaplayman. Endi Muxaddes Nızamdı orınlawım arqalı alatuǵın óz haqlıǵıma emes, al Masiyxqa degen isenim arqalı beriletuǵın, yaǵnıy Qudaydıń isenimimizge qaray beretuǵın haqlıǵına iyemen.

Filipliler 3:8-9