Kúndelik Jarıq

Jaratqan Iye hesh kimniń joqlıǵın kórdi, Aralasatuǵın hesh kimniń joqlıǵına hayran qaldı. Óz qolı Onı jeńiske eristirdi, Ádilligi Oǵan súyenish boldı.

Iyshaya 59:16

Dushpanlarım jawız niyet penen: «Qashan ólip, atı ósher eken?» – deydi. Olar meni kóriw ushın kelgende, jalǵan sóyleydi, Ishinen ósek sózler toqıydı, Keyin sırtqa shıǵıp, ósek tarqatadı. Meni jek kóretuǵınlardıń hámmesi, Maǵan zıyan tiygiziwdi jobalastıradı, Birgelikte men haqqında sıbırlasıp:

Zabur 40:6-8

Men janımdı qaytıp alıw ushın beremen. Sonlıqtan Ákem Meni súyedi. Janımdı Mennen hesh kim tartıp ala almaydı. Biraq Men onı Ózim beremen. Mende onı beriwge de, qaytıp alıwǵa da biylik bar. Bul buyrıqtı Men Ákemnen aldım.

Yuxan 10:17-18

Aytıń, dawańızdı bayan etiń, Olar birge másláhátlessin! Bunı ázelden aytqan kim? Ótmishte ayan etken kim? Jaratqan Iye bolǵan Men emespen be? Mennen basqa quday joq, Men ádil Qudayman hám Qutqarıwshıman, Mennen basqası joq. Pútkil dúnya, Maǵan júz burıń, qutqarılasız! Men Qudayman, basqası joq.

Iyshaya 45:21-22

Iysadan basqa hesh kim arqalı qutqarılıw joq. Qutqarılıwımız ushın aspan astında adamlarǵa berilgen basqa hesh bir at joq.

Elshiler 4:12

Sebebi sizler Iyemiz Iysa Masiyxtıń miyrimin bilesizler: Ol Ózi bay bola tura, sizler ushın bul dúnyada jarlı boldı. Onıń jarlılıǵı menen sizler ruwxıy baylıqqa iye boldıńız.

2 Korinfliler 8:9

Oct 28, 2024