Quday dúnyanı suw tasqını arqalı húkim etkeninen keyin, Ol Nuh hám onıń shańaraǵı menen jańa baslama qıldı. Biraq adamlar taǵı da qáte qıldı. Olar Jaratıwshısına boysınıw ornına, Onıń olar ushın tek eń jaqsısın qálegenine iseniw ornına, olar Babel minarasında óz kúshleri menen aspanǵa jetiwge háreket etti. Olardıń maqtanıshı hátte olardı ózleri ushın at shıǵarıwǵa hám jer júzindegi xalıqtı Qudaydan ǵárezsiz basqarıwǵa alıp keldi (Jaratılıs 11 qarań).
Bul bizdiń dáwirimiz ushın da sáykes emes pe? Adamlar basqarıwdı Qudayǵa tapsırıw ornına, ózleri saqlawǵa umtılıp atır. Bul sizdiń ómirińizde qalay kóriniske iye?
Isa jerde jasaǵanda Onıń qarım-qatnası qanday edi? Ol óz shákirtleri arasında olardıń ayaqların juwǵan qul edi (Luka 22:27; Yuxanna 13 qarań). Ol bul jerde óz dańqın izlemedi, al Ózin jibergenniń dańqın izledi (Yuxanna 7:18; Yuxanna 8:50 qarań). Hámme nárseni ózi basqarıwdı qálew ornına, Ol óz ómiriniń basqarıwın Quday Ruwxına berdi hám Ákesiniń Oǵan xabar bergen nársesine qaramlı boldı. Qudaydıń basqarıwda ekenligin bilip tınıshlanıp, Ol Pilatqa ayttı:
«Eger saǵan joqarıdan berilmegen bolsa, seniń maǵan qarsı hesh qanday húkimetıń bolmas edi» (Yuxanna 19:11).
Sorawlar
Ómirińizdiń qaysı tarawlarında kishipeyillik qılıw qıyınǵa túsetuǵının sezesiz?
Siz óz ómirińizdiń basqarıwın Rabbıńız basqarıwı ushın qolıńızdan ádeyi/sanlı túrde qoyıp jiberdińizbe, yamasa sizdi bunnan toqtatıp turǵan bir nárse barma? Siz Oǵan tolıq isenip, kóbirek qoyıp jiberiwge tayınsızba/háreket etip atırsızba?
