«Isa ayttı: «Áke, olardı keshir, sebebi olar ne islep atırǵanın bilmeydi.»» (Luqa 23:34) Rabbimiz Isa xochta ilinip turǵanda, Onıń tesilgen qolları awırǵanlarǵa xızmet ete almaytuǵın edi – adamgershilik jaǵınan aytqanda. Onıń shegeler menen tesilgen ayaqları patshalıq Injilin járiyalaw ushın qalalar hám awıllar arqalı júre almaytuǵın edi. Hátte Onıń barlıǵı qashıp ketken shákirtlerin de endi úyretpeytuǵın edi.
Bul qorqınıshlı saatlarda adamlarǵa pázilet bolıw ushın Ol hesh nárse isley almaytuǵın ba edi? Ya, Ol namaz oqıy alatuǵın edi – hám Ol dál sonday etti! Ol aspan menen jer arasında ilinip turǵanda, Ol «qılmıskerler ushın shapaat etti» (Yesaya 53:12). Bizlerdiń hár birimiz ushın zárúrli sabaq!
Rabbimiz Isanıń úlgisi bizdi adamgershilik jaǵınan qutqarıw múmkin emes sıyaqlı kórinetuǵınlar ushın namaz oqıwǵa da ruwxlandıradı. Bul jaǵdayda kim bizlerdiń aramızda bul qatiller ushın isenim menen namaz oqıǵan bolar edi? Biraq Quday Ulıdıń dál bul namazı shama menen 50 kún ótkennen keyin 3000 adamnıń bir waqıtta qabıl etiliwine úles qosqan joq pa?
Kim eń úlken gúnákarlar ushın namaz oqıdı – Qudaydıń jıynalısın qanǵa shekem quwǵın etken, isenetuǵınlardı túrmelerge taslaǵan hám shákirtlerdi óz Ustazlarınıń atın háqarát etiwge májbúrlegen adam ushın? Stefan! Quday bunı qalay juwapladı? Ol burınǵı háqarát etiwshini, quwǵın etiwshini hám tákabbur qarsılasıwshını (qarań 1 Timotiy 1:13) Injil hám Qudaydıń jıynalısınıń xızmetshisine (qarań Kolosiy 1:23, 25) aylandırdı. Qudaydıń miyreti bul adamdı Jańa Testamenttiń 14 xatın jazıwǵa hám basqa barlıq elshilerden kóbirek islewge qollanǵan (qarań 1 Korinfliler 15:10)!
Siz házirgi waqıtta kesellik yamasa basqa jaǵdaylar sebepli Rabbimiz ushın islegisi keletuǵın belgili bir jumısta belsendi bola almayturǵan jaǵdaydasız ba? Bálkim Quday sizi ayrıqsha etip alǵan shıǵar, solay etip siz shapaat etiwdiń zárúrli xızmetinde kóbirek waqıt namazda ótkere alasız.
Tanıslarıńız arasında qabıl etiliwi múmkin emes sıyaqlı kórinetuǵın adamlar ushın namaz oqıwdı toqtatpań. «Adam ushın bul múmkin emes, biraq Quday ushın emes. Sebebi Quday ushın barlıq nárseler múmkin» (Mark 10:27)!
