Yakup 4:2 de: «Sizlerde joq, sebebi sizler soramaysızlar»,— delingen. Biz soramaymız, sonlıqtan da almaymız. Biz qaqpaymız, sonlıqtan da esik bizge ashılmaydı. Biz izlemeymiz, sonlıqtan da tappaymız.
Nátiyjede, biz aqıl almaymız, azǵana yamasa hesh qanday ózgeris kórmeymiz, qutqarıw joq, ruwxıy ósiw joq, Másih súwretine ózgeriw joq — bulardıń hámmesi hám bunnan da kóp nárseler bizdiń duwadaǵı jalqawlıǵımızdıń qayǵılı nátiyjeleri. Bunıń sebebinen biz kóp jaqsılıqlardan qurǵaq qalamız hám Qudaydıń jumısı zıyan kóredi.
Uesli aǵa-inilerdiń biri óziniń kórgen túsin bir ret aytıp berdi. Bir perishte onı asmandagı úlken sklad arqalı alıp ótti, ol jerde qutılar hám sánshikler tóbege shekem jıynalǵan edi. Olar hámme nárseni kórgennen keyin, ol perishteden bul qutılardıń hámmesi neni ańlatadı hám ne ushın bul jerde ekenin soradı. Perishte: «Bular máshiylikler hesh qashan duwa etpegen duwalardıń juwapları»,— dep juwap berdi.
Hadson Teylor hám Qıtay Ishki Missiyası bul jaǵdayda bizdi shaqıradı. Kóp missiyonerlik shólkemleri qıyınshılıq kórgen yamasa qarzǵa batqan bolsa da, Qıtay Ishki Missiyası ósti hám gúllendi. Ol millionlaǵan adamlarǵa Injildi tarattı hám úzliksiz jańa jumısshılar jiberdi. Bul Hadson Teylor hám onıń komandasınıń isenimli duwalarınıń nátiyjesi edi.
Ózimizdiń hám basqalardıń duwaları menen jaqsılap juwmay, Quday ushın jemisli jumıs isley alamız dep oylaw júdá aqıllı emes.
