Biz islep atırǵanda baslıq kirip kelgende, minez-qulqımız qansha ret jaqsılanadı yamasa jumıstıń sapası jaqsıraq boladı? Sol waqıtta biz hesh kim bayqamaydı dep oylawımız múmkin. Men kóp jıllar aldın Piza múnaǵarası qurılıp atırǵanda eki adamnıń sóylesip turǵan karikaturasın esime túsirdim. Bir adam ekinshisine «Men fundamentten kóp únemledim, biraq hesh kim bilmeydi» degen sıyaqlı nárse ayttı.
Kóp imaratlardıń qulawı hám konstruktiv kemshilikleri jaman materiallar yamasa jumıs sapasına baylanıslı dep esaplanadı. On jıl aldın Amerika Qurama Shtatlarında segiz jolı avtomagistral kópiriniń qulawı tiykarınan zárúrli bólimlerdiń kerekli qalıńlıqtıń yarımına teń bolıwı sebepli boldı. Ókinishke oray, 13 adam ólip, 145 adam jaraqat alǵansha jaǵdaydı dúzetiw ushın hesh qanday is-háreket etilmedi.
Bizde házir ruwxıy turmısımızdı bahalaw hám ózgerisler kirgiziw múmkinshiligi bar. Bizdiń jaǵdayımızdı durıs salıstıra alatuǵın standart – Qudaydıń Sózi. Biz onı dıqqat penen oqıwımız, oqıǵanlarımız haqqında oylawımız hám onı ómirimizge qollanıwımız kerek. Házirgi waqıtta Rabbımız ushın Oǵan jaǵımlı bolatuǵın túrde jasaw hám islew, Onıń kóz aldında qádirli bolǵan nárselerdi qılıw múmkin.
Barlıq súwretti kóz aldımızda saqlaw zárúr. Biz kóbinese kúnnen-kúnge házirgi waqıt ushın jasawǵa beyim bolamız, máńgilik táreplerdi esapqa almaymız. Quday bul nárselerdi ómirimizdiń hár bir sátine aralasıp turǵanlıqtan, qayta-qayta bizdiń aldımızǵa qoyadı.
Barlıq nárselerdi Qudaydıń dańqı ushın qılıń (1 Korinflilerge 10:31 NKJV) degen sóz Oǵan bir bólegin, ózimizge basqa bólegin qaldırıwǵa ruxsat bermeydi.
Ózimizge «Eger kimdir meni baqlap turǵanın bilsem, házirgi islep atırǵan islerim ózgerer me edi?» hám «Men bunı jaqsıraq aytıwım yamasa qılıwım kerek pe?» degen sorawlardı beriwimiz múmkin. Rabbı baqlap hám barlıq nárselerdi belgilep turıptı, hám biz búgin ne islegenimiz haqqında Oǵan esap beretuǵın kún bar! Bul siz ushın qalay boladı? Ózim ushın, men esime túsire alatuǵın kóp nárselerden házirdiń ózinde uyalǵanman.
Ájayıp, Rabbıdıń húkimi bizdi tómendetpeydi. Kerisinshe, ol Ózi ushın dańq alıw maqsetinde. Ya, Ol biz arqalı dańqlanadı ! Onıń tárepinen húkim etiliw ideyası qorqınıshlı kórinwi múmkin, biraq men sizdiń bul aydaǵı maqalalar menen meniń sıyaqlı ruwxlanatuǵanıńızǵa isenemen. Ol olardı sizdiń pátenińiz ushın qollansın.
