«Shelegińizdi taslań!»
Kóplegen jıllar aldın bir júziw kemesi Evropadan Qubla Amerika portına qaray jolǵa shıqtı. Dawıllar hám basqa qıyınshılıqlar sebepli, sayaxat uzayıp ketti, sonlıqtan kemeniń suwı azayıp qaldı. Itibar menen saqlawǵa qaramastan, ekipaj aqır-aqıbetinde ishetuǵın suwsız qaldı.
Bir neshe kún ótkennen keyin, olar tınısh teńizde, dem alıwǵa qıyın bolǵan ıssılıq astında turǵanda, basqa kemeni ushıratıp, quwanıshqa batıp, jeńillik taptı. Olar jaqınlasqanda, ózleriniń umıtsız jaǵdayın bildiretuǵın xabar bayraqların kóterdi: «Biz suwsızlıqtan ólip atırmız!»
Ekipaj juwaptan tań qaldı, bul olardıń qıyınshılıǵın masqaralaǵanday kórindi: «Suw hámme jerde; shelegińizdi taslań!» Olar sol waqıtta Amazonkanıń kúshli okean aǵımın kesip ótip atırǵanın bilmedi; olardıń átirapında tatlı, taza suw bar edi, geypara olar jerden uzaqta bolsa da. Kórip turǵanıńızday, Amazonka dáryası Atlantika okeanına sonshalıq kóp suw jiberetuǵınlıqtan, okeannıń bir neshe shaqırımın tolıǵı menen ishetuǵın etedi.
Suwsız qalǵan ekipaj sıyaqlı, bálkim siz de usıǵan uqsas, qıyın jaǵdayda – hesh qanday úmitsiz qalıp atırǵan shıǵarsız. Siz: «Qutqarıw ushın ne qılıwım kerek?» – dep ayqaylawıńız múmkin, Qudaydıń muhabbatı aǵımı ómirińizdiń okeanında hámme jerde kúshli aǵıp atırǵanın bilmey. Shelegińizdi taslań! «Rabbiy Isa Máshihke iseniń, sonda siz qutqarılasız» (Elshiler 16:31 NKJV ).
«‘Sóz sizge jaqın, awzıńızda hám júregińizde’ (yaǵnıy, biz waz etetuǵın isenim sózi): eger siz awzıńız benen Rabbiy Isanı moyınlasańız hám júregińizde Quday Onı ólilerden tiriltkenine isenseńiz, siz qutqarılasız» (Rim. 10:8-9).
Bul ápiwayı nárse, hám sizdiń qolıńız jetetuǵın jerde. Rabbiy bunıń hámmesin siz ushın múmkin qıldı. Ol sizdiń kúnálarıńız ushın krestte júdá joqarı bahalı tólem tóledi, sol arqalı siz ómirińizge bolǵan janıp turǵan shóllemińizdi qandırasız hám máńgilik ólimińizdi biykar etesiz. Siz jańa ǵana oqıǵan Injil sózlerinde sizdiń máńgilik páziyletińiz hám quwanıshıńızdıń gilti bar. Olardı taǵı da, dawıslap oqıń.
Siz hesh qashan qutqarıw múmkinshiligine bunday jaqın bolmaǵan shıǵarsız. Qudaydıń wádesinen paydalanıń hám házir tolıq ishiń!
«Kim Men beretuǵın suwdan ishse, hesh qashan shóllemeydi. Biraq Men beretuǵın suw onıń ishinde máńgilik ómirge aǵıp shıǵatuǵın suw bulaǵına aylanadı» (Yuh. 4:14).
«Isa ayttı, ‘... Maǵan isengen adam hesh qashan shóllemeydi’» (6:35).
«Ol maǵan Qudaydıń hám Qoziqanıń [Isanıń] taxtınan shıǵıp atırǵan, billurday taza, ómir suwınıń taza dáryasın kórsetti ... Kim shóllegen bolsa, kelsin. Kim qálese, ómir suwın biypul alsın» (Ash. 22:1,17).
Eger siz shın júrekten qáleseńiz, siz mınaday dua ete alasız: «Rabbiy Isa, men Seniń Rabbiy ekenińdi hám meniń kúnálarım ushın jazanı qabıl etkenińdi moyınlayman. Men pútkil júregim menen Quday Seni ólilerden tiriltkenine isenemen. Ótinish, meni qutqar. Men ushın bunı islegenıń ushın raxmet. Ámiyn.» Biz sizge kóbirek ayta alamız.
