Хош хабер–Июль/Август 2017 –Инджеликъ ве Хакъикъатъ Журналы
«Шелегинъизъ сувъ къованъизны!»
Чокъ йыллар эвель бир елькенли геми Европадан Къыбыла Америка лиманына догъру ёлгъа чыкъты. Боранлар ве башкъа къыйынлыкълар себебинден, сефер узатылды, гемининъ сув теминлемеси азаймагъа башлады. Дикъкъатлы сакълавгъа бакъмадан, экипаж сонъунда ичмеге сувсыз къалды.
Бир къач куньден сонъ, тыныч денъизде, богъуджы иссилик алтында олгъанда, башкъа бир гемиге расткельгенлерине чокъ севиндилер ве раатладылар. Яхынлашкъанда, умютсиз вазиетлерини бильдирген хабер байракъларыны котердилер: «Сувсызлыкътан олемиз!»
Экипаж джевапкъа шашып къалды,бу оларнынъ агъыр вазиетине масхара эткен киби корюнди: «Сув этрафынъызда; къованъызны тюшюринъиз!» Олар о анъда Амазоннынъ къуветли океан акъымыны кечип кечкенлерини бильмей эдилер; этрафларында татлы, темиз сув бар эди, къара ерден узакъ олсалар да. Коресинъиз, Амазон озены Атлантик океанына о къадар чокъ сув ёллагъанындан, океаннынъ бир къач мильлик къысмы толусынен ичиле биле.
Сувсыз къалгъан экипаж киби, бельки сиз де ошагъан, къыйын бир вазиеттесинъиз – ич бир умютсиз. Сиз: «Къуртулмакъ ичюн не япмалымы?» – деп багъыра билесинъиз, – Аллахнынъ севгисининъ акъымы омюринъизнинъ океанында этрафынъызда къуветли акъкъаныны анъламайып. Къованъызны тюшюринъиз! «Рабби Иса Месихке инан, ве къуртулырсынъ» (Амельлер 16:31 НКЖВ).
«‘Сёз санъа якъын, агъзынъда ве юрегинъде’ (яни, биз вааз эткен иман сёзю): эгер агъзынънен Рабби Исаны икърар этсенъ ве юрегинъде Аллах Оны олюмден тирильттигине инансанъ, къуртулырсынъ» (Рим. 10:8-9).
Бу пек басит бир шей,ве эришиле биле. Рабби бунынъ эписини сизге мумкюн къылды. О, сизнинъ гунахларынъыз ичюн хачта пек юксек фият одетти, сиз омюрге олгъан яндырыджы сувсавъынъызны къандыра билесинъиз ве эбедий олюминъизни ёкъ эте билесинъиз. Аз эвель окъугъан Инжил сёзлеринде эбедий берекетинъизнинъ ве севинчинъизнинъ анахтары бар. Оларны янъыдан, юксек сеснен окъунъыз.
Бельки сиз ич бир вакъыт къуртулыш ичюн бу къадар якъын фурсат тапмагъансынъыз. Аллахнынъ ваадесинден файдаланып, шимди толусынен ичинъиз!
«Ким Мен береджек сувдан ичсе, ич бир вакъыт сувсамаз. Лякин Мен береджек сув онда эбедий омюрге акъып чыкъкъан бир сув чешмеси олур» (Юх. 4:14).
«Иса айтты: ‘...Магъа инангъан ич бир вакъыт сувсамаз’» (6:35).
«О, магъа Аллахнынъ ве Къозунынъ [Исанынъ] тахтындан акъып чыкъкъан, кристаль киби темиз, омюр сувынынъ темиз бир озеныны косьтерди ... Ким сувсаса, кельсин. Ким истесе, омюр сувыны бедава алсын» (Вахий 22:1,17).
Эгер керчектен истерсенъиз,бу киби бир дуа эте билесинъиз: «Рабби Иса, Сен Рабби олгъаныны ве меним гунахларым ичюн джезаны алгъаныны икърар этем. Аллах Сени олюмден тирильттигине бутюн юрегимнен инанам. Люфтен мени къуртар. Буны меним ичюн япкъанына тешеккюр этем. Амин.»Биз сизге даа чокъ айта билемиз.
Бу трактатнынъ бир тюрлюси испан трактаты #128 оларакъ мевджут, буны Инджеликъ ве Хакъикъатътан ала билесинъиз.
