Iyemiz jaqın — April 18, 2026: Evreylerge 2:10

¹⁰ Hámme nárse Quday ushın hám Quday arqalı bar bolǵan. Usı Quday kóp perzentlerin ullılıqqa eristiriw ushın, olardı qutqarılıwǵa jetelewshi Iysanı azap-aqıretler arqalı minsizlikke jetkiziwdi maqul kórdi.

⁹ Biraq bizler perishtelerden az waqıtqa tómenirek qoyılǵan Iysanıń ólim azabın shekkeni ushın, dańq-húrmet tajın kiygenin kórip turmız. Awa, Ol Qudaydıń miyrimi menen hámme adamlar ushın ólimdi basınan keshirgen edi.

¹ Solay etip, bizler menen birge Quday tárepinen shaqırılǵan, muxaddes tuwısqanlarım, Qudaydıń elshisi hám bas ruwxaniyi, dep ózlerimiz ashıq tán alǵan Iysa haqqında tereń oylańlar! ² Muwsa Qudaydıń pútkil shańaraǵında Qudayǵa sadıq bolǵanınday, Iysa da Ózin xızmetke qoyǵan Qudayǵa sadıq boldı. ³ Úydi salǵan salınǵan úyden góre kóbirek húrmetke ılayıqlı bolǵanı sıyaqlı, Iysa da Muwsadan góre joqarıraq ullılıqqa ılayıq tabıldı. ⁴ Hár bir úydiń qurıwshısı bar, al Quday pútkil barlıqtıń jaratıwshısı. ⁵ Muwsa keleshekte aytılatuǵın sózler haqqında gúwalıq beriw ushın, Qudaydıń pútkil shańaraǵında bir xızmetker sıpatında sadıq boldı. ⁶ Biraq, Masiyx Qudaydıń shańaraǵın basqaratuǵın Ul sıpatında sadıq boldı. Eger ózlerimizdegi úmit sebepli payda bolatuǵın batırlıq hám quwanıshtı aqırına deyin bekkem saqlasaq, bizler – Onıń shańaraǵımız. ⁷ Sol sebepten Muxaddes Ruwx bılay deydi: «Eger búgin Qudaydıń dawısın esitseńler, ⁸ Shóldegi sınaq waqtında qozǵalań kótergen ata-babalarıńızday, Tas qılmańlar júreklerińizdi. ⁹ Olar sol jerde qırıq jıl boyı islegen islerimdi kórgen bolsa da, Meni sınay berdi. ¹⁰ Sonlıqtan Men sol áwladqa ǵázeplenip bılay dedim: „Olardıń júrekleri bárqulla azǵırılǵan, Olar Meniń jollarımdı bilmedi“. ¹¹ Jáne de, Men qáhárlengenimde: „Olar Meniń tınıshlıq beretuǵın mákanıma kirmeydi“, – dep ant ishken edim». ¹² Háy tuwısqanlarım, júregińiz isenbey jawız bolıp qalıp, tiri Qudaydan bezip ketiwden saq bolıńlar! ¹³ Kerisinshe, arańızdaǵı hesh birińiz gúnanıń aldawına erip, júregin qaysar qılmawı ushın, hár kúni ele «búgin» dep aytılıp atır eken, bir-birińizdi jigerlendirip barıńlar. ¹⁴ Óytkeni eger bizler dáslepki isenimimizdi aqırına deyin bekkem saqlasaq, Masiyxqa tiyisli bolǵan hámme nársege sherik bolamız. ¹⁵ Joqarıda bılay delingen edi: «Eger búgin Qudaydıń dawısın esitseńler, Qozǵalań kótergen ata-babalarıńızday, Tas qılmańlar júreklerińizdi». ¹⁶ Qudaydıń sózin esitse de, Oǵan qarsı qozǵalań kótergen kimler edi? Muwsanıń basshılıǵında Mısırdan shıqqanlardıń hámmesi emes pe edi? ¹⁷ Quday kimlerge qırıq jıl ashıwlı edi? Gúna islep, súyekleri shólde qalǵanlarǵa emes pe? ¹⁸ Quday kimlerge: «Meniń tınıshlıq beretuǵın mákanıma kirmeysizler», – dep ant ishken edi? Ózine boysınbaǵanlarǵa emes pe? ¹⁹ Solay etip, kórip turǵanımızday, olar isenbegenlikten sol jerge kire almadı.

Evreyler 2:10 · Evreyler 2:9 · Evreyler 3 · QrqMK22