Ийса Мәсихтиң изинен барыўшылар сыпатында биз ийе болған үмит өмиримиздиң ҳәр бир тараўына, соның ишинде өлимге болған көзқарасымызға да тәсир етиўи керек. Елши Павлус былай дей алған: «Себеби мен ушын өмир Мәсих, ҳәм өлим пайда» (Фил. 1:21). Ол буны айта алған, себеби оның үмити даңқтағы бир Адамға бекитилген еди, Ол оның аспандағы орнын тәмийинлеген, Өз өмирин Павлус ҳәм Мәсихтиң кресттеги тамамланған исине исенетуғын ҳәр бир адам ушын берген!
Ҳәр күни дүнья жүзинде 5000 нан аслам адам қайтыс болады. Айрымлары тәбийий себеплерден, айрымлары қайғылы ҳәдийселерден, ал айрымлары жынаяттан қайтыс болады. Айрымлары ушын өлим күтиледи, ал басқалары ушын ол күтилмеген жағдайда келеди. Гүна дүньяға киргенлиги себепли, өлим өмирдиң бир бөлеги. Бирақ гүнакар екенин түсинип, Оның сүйкли Улы, ХожаИйса арқалы Қудайға келгенлер ушын, өлим тек ғана бизди бәнт Хожамыздың алдына алып баратуғын қурал! Мәсихтеги үмит себепли, өлим ақыр емес, бәлки басланыў сыпатында көриледи! Мәсих өлимди жеңгенлиги себепли (1 Кор. 15:20–28), Ондағы үмит бизге қорықпаўға батырлық береди. Өлим төсегинде жатқанда, пуритан Джон Оуэн былай деп жазған: «Мен әли де өлип атырғанлар елиндемен, бирақ тез арада тирилер елинде болыўға үмит етемен».
Даўыт ҳәр биримизге өлим тек ғана көлеңке екенин еслетип өтеди (Забур 23:4),бул жарықтың бар екенин аңлатады. Ҳәр бир ийманлы ушын бар болған Жарық - ХожаИйсаМәсих. Ийманлы өмирде Мәсихке тийисли, ҳәм ийманлы өлимде Мәсихке тийисли! Бул Оның биз ушын, биздиң орнымызға, крестте Өз өмирин бергенде ҳәр биримиз ушын тәмийинлеген үмити. Биз Оған ҳәм Оның тамамланған исине исенгенимизде, бул үмит биздики болады! Бүгин ол сиздики ме?
