Wednesday, June 17, 2026

Barlıq milletler, Jaratqan Iyege alǵıs-maqtawlar aytıń! Barlıq xalıqlar, Onı dańqqa bóleń! Bizlerge kórsetken súyispenshiligi ullı, Jaratqan Iyeniń sadıqlıǵı máńgige dawam etedi. Haliluya!

Zabur 116:1-2

Duwa etkenińizde, butqa tabınıwshılar sıyaqlı mıljıńǵa berilmeńler. Olar kóp sóylesek tıńlar dep oylaydı.

Matta 6:7

Sonıń menen birge, Muxaddes Ruwx ta hálsiz bolǵan bizlerge járdem beredi. Óytkeni bizler qalay duwa etiw kerekligin bilmeymiz. Biraq, Muxaddes Ruwxtıń Ózi sóz benen aytıp jetkize almaytuǵın dárejede nala shegip, bizler ushın Qudaydan ótinish etedi.

Rimliler 8:26

Jámááttegi er adamlarǵa ashıwlanbawdı hám tartıspawdı, al hámme jerde muxaddes qolların kóterip duwa etiw kerekligin úyretiwińdi qáleymen.

1 Timofey 2:8

Hár túrli tilek hám jalbarınıw menen, Muxaddes Ruwxtıń basqarıwında hámme waqıt duwa etińler. Usı maqset penen sergek bolıp, pútkil muxaddesler ushın taban tirep sorańlar.

Efesliler 6:18

Sizlerge jáne shının aytaman: jer betinde sizlerdiń ekewińiz kelisip ne sorasańız, aspandaǵı Ákem sonı beredi.

Matta 18:19