Tuesday, June 16, 2026

Biraq Jaratqan Iyeniń qulı Muwsanıń sizlerge bergen buyrıqların hám Nızamın muqıyatlı túrde orınlańlar. Qudayıńız Jaratqan Iyeni súyińler, Onıń jolı menen júrip, buyrıqların orınlańlar. Oǵan sadıq bolıńlar, Oǵan shın júregińiz hám jan-tánińiz benen xızmet etińler.

Eshua 22:5

Waqıttan jaqsı paydalanıp, jámááttiń sırtındaǵı adamlarǵa aqıllılıq penen qatnas jasańlar. Sózińiz hámme waqıtta jaǵımlı hám duzlı bolsın. Sonda sizler hár bir adamǵa qalay juwap beriw kerekligin bilip alasızlar.

Kolosalılar 4:5-6

Hár qanday jamanlıqtan qashıńlar.

1 Salonikalılar 5:22

Kúyew keshikkennen soń olardıń hámmesi qalǵıp, uyıqlap qalıptı. Biraq tún ortası bolǵanda: «Kúyew kiyatır, onı qarsı alıwǵa shıǵıńlar», – dep baqırǵan dawıs esitilipti.

Matta 25:5-6

Solay etip, sergek bolıńlar, sebebi Adam Ulınıń keletuǵın kúnin hám waqtın bilmeysizler.

Matta 25:13

Sonlıqtan háy tuwısqanlarım, Qudaydıń sizlerdi shaqırǵanı hám tańlap alǵanı haqıyqat ekenin kórsetiw ushın, ele de kúsh-ǵayrat salıńlar. Usılay isleseńiz, hesh qashan súrnikpeysiz.

2 Petr 1:10

Xojayını kelgende olardıń sergek bolıp turǵanın kórse, sol xızmetshiler baxıtlı! Sizlerge shının aytaman: ol belin buwıp, xızmetshilerin otırǵızıp, ózi olarǵa xızmet etedi.

Luka 12:37