Sunday, May 24, 2026

Tuwısqanlarım, Iyemiz Iysa Masiyxtıń atı menen hám Muxaddes Ruwxtıń súyispenshiligi menen sizlerge jalbarınaman: meniń menen birge Qudayǵa duwa etip, men ushın bar jigerińiz benen sorańlar.

Rimliler 15:30

Ákemniń Meniń atımnan jiberetuǵın Jaqlawshısı, Muxaddes Ruwx sizlerge hámmesin úyretedi. Ol Meniń sizlerge aytqanlarımnıń hámmesin eslerińizge túsiredi.

Yuxan 14:26

Olar azap shekkende, Ol qosılıp qıynaldı, Onnan kelgen perishte olardı azat etti. Olardı Ol súyispenshiligi hám miyrimi menen qutqardı. Ázelden olardı qolına kóterip keldi. Biraq olar bas kóterip, Onıń Muxaddes Ruwxın qapa qıldı. Keyin Ol olardıń dushpanına aylanıp, Olar menen Ózi urıstı.

Iyshaya 63:9-10

Bizlerdiń Onda, Onıń bizlerde ekenin, Onıń bizlerge bergen Ruwxı arqalı bilemiz.

1 Yuxan 4:13

Haqıyqat sózin, yaǵnıy qutqarılıw haqqında Xosh Xabardı esitip, Masiyxqa isengenińizde, sizler de wáde etilgen Muxaddes Ruwx penen mórlenip, Qudayǵa tiyisli boldıńlar. Qudayǵa tiyisli bolǵan bizlerdiń tolıq qutqarılıwımızǵa deyin bul Muxaddes Ruwx – Qudaydıń bizlerge wáde etken miyrasınıń kepili. Bulardıń hámmesi bizlerdiń ullı Qudaydı alǵıslawımız ushın boldı.

Efesliler 1:13-14

Jáne aytajaǵım mınaw: Muxaddes Ruwxqa boysınıp jasańlar! Sonda óz tábiyatıńızdıń jaman qálewlerine hesh qashan boysınbaysızlar. Óytkeni adam tábiyatınıń jaman qálewleri Muxaddes Ruwxqa, al Muxaddes Ruwx bolsa adam tábiyatınıń jaman qálewlerine qarsı. Olar bir-birine qarsı bolǵanlıqtan, sizler islewdi qálegen nárselerińizdi isley almaysızlar.

Galatiyalılar 5:16-17

Sonıń menen birge, Muxaddes Ruwx ta hálsiz bolǵan bizlerge járdem beredi. Óytkeni bizler qalay duwa etiw kerekligin bilmeymiz. Biraq, Muxaddes Ruwxtıń Ózi sóz benen aytıp jetkize almaytuǵın dárejede nala shegip, bizler ushın Qudaydan ótinish etedi.

Rimliler 8:26