Friday, May 22, 2026

Dúnya hám onıń qálewleri ótip ketedi, biraq Qudaydıń erkin orınlaǵan adam máńgi jasaydı.

1 Yuxan 2:17

Jaratqan Iye, Qudayım, Bizler ushın ájayıp isleriń hám niyetleriń kópdur, Hesh bir zat Saǵan teń kele almas, Bulardı tilge alıp, sóyley baslasam, Kópliginen sanap tawısa almaspan.

Zabur 39:6

Burın islegen islerińizden házir ózlerińiz de uyalasız. Sol waqıtları usı islerden ne arttırǵan edińiz? Olardıń aqırı ólim edi-ǵo.

Rimliler 6:21

Biraq Iysa oǵan juwap berip: – Eh, Marta, Marta, sen kóp nárselerdi uwayımlap, táshiwishleneseń. Tek bir nárse ǵana zárúr. Máriyam durıs joldı tańladı, bul onnan tartıp alınbaydı, – dedi.

Luka 10:41-42

Men sizlerdiń ǵam-táshiwishsiz bolǵanıńızdı qáleymen. Úylenbegen erkek Iyemizge qalay jaǵınsam eken dep, Iyemizdiń isleri haqqında oylaydı.

1 Korinfliler 7:32

Bulardı sizlerge Mende bolıp, tınıshlıq alıwıńız ushın ayttım. Bul dúnyada qıyınshılıq kóresizler, biraq márt bolıńlar, Men dúnyanı jeńdim!

Yuxan 16:33

Tınıshlıq beriwshi Iyemizdiń Ózi sizlerge hámme waqıtta, hár qanday jaǵdayda tınıshlıq bersin. Iyemiz hámmeńizge yar bolsın!

2 Salonikalılar 3:16

„Jaratqan Iye sizlerdi jarılqasın, qorǵasın! Jaratqan Iye sizlerge Óz júziniń nurın shashsın, rehimli bolsın! Jaratqan Iye sizlerge Óz názerin salsın hám tınıshlıǵın bersin!“

Sanlar 6:24-26