Friday, May 15, 2026

Ol ólimdi máńgige jutıp jiberedi. Quday Iye hámmeniń kóz jasın súrtip qoyadı, Óz xalqınıń shermendeligin pútkil jer júzinen alıp taslaydı. Bunı Jaratqan Iye ayttı.

Iyshaya 25:8

Bunnan bılay, quyashıń batpas, Ayıńnıń da sáwlesi óshpes. Óytkeni Jaratqan Iye seniń máńgi nurıń boladı, Qayǵılı kúnleriń tamam boladı.

Iyshaya 60:20

Sion turǵınlarınıń hesh biri: «Men keselmen» – demeydi, Ol jerde jasaǵan xalıqtıń gúnası keshiriledi.

Iyshaya 33:24

Ózim de Erusalim ushın quwanıp, Xalqım ushın shadlanaman. Endi ol jerde jılaǵan da, dad salǵan da ses esitilmes.

Iyshaya 65:19

Jaratqan Iyeniń azat etkenleri izge qaytadı, Qosıq aytıp Sionǵa qaytıp keledi. Olar máńgilik quwanısh tajın baslarına kiyedi. Quwanısh hám shadlıqqa tolıp tasıp, Qayǵı hám ǵam-táshiwish qashıp ketedi.

Iyshaya 35:10

Bul xalıqtı óliler mákanınıń kúshinen qutqarar ma edim? Olarǵa ámeńgerlik qılar ma edim? Háy ólim, uwlı iyneńdi shıǵar! Háy óliler mákanı, apat kúshińdi kórset! Endi Men rehim qılmayman».

Hoshea 13:14

Joq qılınatuǵın sońǵı dushpan – ólim boladı.

1 Korinfliler 15:26

Tuwısqanlarım, men sizlerge járiyalaǵan Xosh Xabardı esińizge túsiriwdi qáleymen. Sizler onı qabıl ettińler hám onıń tiykarında isenimińizdi bekkemlep aldıńız.

1 Korinfliler 15:1

Bizler kózge kórinetuǵın qıyınshılıqlarǵa emes, al kózge kórinbeytuǵın ullılıqqa qaraymız. Sebebi kózge kórinetuǵın nárseler ótkinshi, al kózge kórinbeytuǵın nárseler máńgi boladı.

2 Korinfliler 4:18