Friday, May 8, 2026

Endi júregim qayǵıǵa toldı. Men ne deyin? «Áke, Meni bul waqıttan qutqar», – deyin be? Biraq Men usı waqıt ushın kelgenmen. Áke, Óz atıńdı ullıla! Sonda aspannan: – Atımdı ullıladım, Men onı jáne de ullılayman, – degen saza keldi.

Yuxan 12:27-28

– O, Ákem, eger Sen qáleseń, bul azap kesesin Mennen ótkizip jiber. Biraq Meniń emes, Seniń qálegeniń bolsın. Sonda aspannan bir perishte Iysaǵa kórinip, Oǵan kúsh berdi.

Luka 22:42-43

Ol Ózin pás tuttı hám ólimge, hátte, atanaq aǵashtaǵı ólimge barıp, Qudayǵa boysındı.

Filipliler 2:8

Men janımdı qaytıp alıw ushın beremen. Sonlıqtan Ákem Meni súyedi.

Yuxan 10:17

Óytkeni Men Óz erkimdi emes, al Meni Jibergenniń erkin orınlaw ushın aspannan keldim.

Yuxan 6:38

Iysa Petrge: – Qılıshıńdı qınabına salıp qoy! Ákemniń Maǵan bergen azap kesesinen ishpeyin be? – dedi.

Yuxan 18:11

Meni Jibergen Meniń menen birge, Ol Meni jalǵız qaldırmadı. Óytkeni Men hámme waqıt Oǵan unaytuǵın islerdi isleymen.

Yuxan 8:29

Sonda aspannan: – Bul – Meniń súyikli Ulım, Men Oǵan ırzaman! – degen saza esitildi.

Matta 3:17

«Mine, Men qollaǵan qulım, Kewlime unaǵan tańlaǵanım! Men Óz Ruwxımdı Oǵan beremen, Ol milletlerge ádalat alıp keledi.

Iyshaya 42:1