Saturday, May 16, 2026

Sizler Meni Ustaz hám Iyem dep ataysızlar. Durıs aytasızlar, sebebi Men Solman.

Yuxan 13:13

Kim de kim Maǵan xızmet etiwdi qálese, izime ersin. Men qay jerde bolsam, Meniń xızmetshim de sol jerde boladı. Kim de kim Maǵan xızmet etse, onı Ákem izzet etedi.

Yuxan 12:26

Moyıntırıǵımdı salıp, Mennen úyrenińler: óytkeni Men mómin hám kishipeyilmen. Solay etip, kewillerińiz tınıshlıq tabadı. Men bergen moyıntırıq ıńǵaylı, júgim jeńil, – dedi.

Matta 11:29-30

Biraq, bir waqıtları áhmiyetli dep bilgen bul nárselerimdi endi Masiyx ushın paydasız dep esaplayman.

Filipliler 3:7

Biraq endi bolsa, sizler gúnanıń biyliginen azat etilip, Qudaydıń qulları boldıńlar. Sol sebepten muxaddeslikke erisip, aqırında máńgilik ómirdi alasız.

Rimliler 6:22

Bunnan bılay, sizlerdi «qul» dep atamayman. Óytkeni qul xojayınınıń ne isleytuǵının bilmeydi. Sizlerdi «doslarım» dep atayman. Sebebi Ákemnen esitkenlerimniń hámmesin sizlerge bildirdim.

Yuxan 15:15

Sol sebepten sen endi qul emesseń, al Qudaydıń perzentiseń. Qudaydıń perzenti bolǵanıń ushın, Quday seni miyrasxor etti.

Galatiyalılar 4:7

Masiyx bizlerdi erkin ómir súriwimiz ushın azat qıldı. Sonlıqtan bekkem turıńlar, ózlerińizge qaytadan qullıq moyıntırıǵın salıwǵa jol qoymańlar.

Galatiyalılar 5:1

Tuwısqanlar! Quday sizlerdi azat bolıwǵa shaqırǵan. Biraq bul azatlıǵıńızdı óz tábiyatıńızdıń qálewleriniń qurbanı qılmań. Onıń ornına bir-birińizge súyispenshilik penen xızmet etińler.

Galatiyalılar 5:13