Sunday, May 17, 2026

«Qudayda jasayman» degen adam Iysa sıyaqlı jasawı shárt.

1 Yuxan 2:6

Qudaydıń haq ekenin bilseńiz, haq is qılǵan hár bir adamnıń da Onnan tuwılǵanın biliń.

1 Yuxan 2:29

Súnnetli bolıw yamasa bolmaw áhmiyetli emes. Al áhmiyetlisi – Qudaydıń buyrıqların orınlaw.

1 Korinfliler 7:19

Óytkeni kim de kim Muxaddes Nızamdı tolıǵı menen orınlap, tek bir nársede ayıplı bolsa, ol pútkil Muxaddes Nızamǵa qarsı gúnakar boladı.

Yaqıp 2:10

Bizler xızmetimizdi uqıplı bolǵanımız sebepli atqarıp atırmız, demekshi emespen. Bizlerdegi bar uqıp ózimizden shıqpaǵan, al Qudaydan berilgen.

2 Korinfliler 3:5

Teach me, Yahweh, the way of your statutes. I will keep them to the end.

Psalms 119:33

Solay etip, súyikli tuwısqanlarım, men janıńızda bolǵanımda, sizler bárqulla Qudayǵa boysınatuǵın edińler. Al házir janıńızda joq waqtımda da burınǵıdan kóbirek boysınıp, qorqınısh hám saqlıq penen, qutqarılıwıńızdı ámelge asıra berińler.

Filipliler 2:12

Sebebi Ózine unaǵan islerdi qálewińiz hám islewińiz ushın, Qudaydıń Ózi sizlerge túrtki saladı.

Filipliler 2:13

Óz qanın tógip, máńgilik kelisimdi bekitiwi arqalı qoylardıń ullı Shopanı bolǵan Iyemiz Iysanı tınıshlıq beriwshi Quday ólimnen tiriltti.

Evreyler 13:20

Usı Quday Onıń erkin orınlawıńız ushın, sizlerge hár bir jaqsı nárseni jetkizsin. Ózine unaytuǵın nárseni Ol Iysa Masiyx arqalı bizlerde ámelge asırsın. Masiyxqa máńgi-baqıy dańq bolsın! Awmiyin.

Evreyler 13:21