Kúndelik Jarıq
Adamnıń gúnakar tábiyatı hálsiz bolǵanlıqtan, adam Muxaddes Nızamdı tolıq orınlay almadı. Sonlıqtan Muxaddes Nızam adamdı qutqara almadı, biraq onı Qudaydıń Ózi qutqardı: Quday Óz Ulın adam denesinde bul dúnyaǵa jiberip, Onı gúnalar ushın tólenetuǵın qurbanlıq qılıp baǵıshladı hám bizlerdiń gúnalarımız júklengen Óz Ulınıń denesin húkim etti.
Rimliler 8:3
Muxaddes Nızam keleshektegi jaqsı nárselerdiń haqıyqıy kelbeti emes, al kóleńkesi ǵana. Sonlıqtan usı Muxaddes Nızam boyınsha hár jılı úzliksiz beriletuǵın birdey qurbanlıqlar Qudayǵa sıyınatuǵınlardı hesh qashan tolıq pákley almaydı. Eger tolıq pákley alsa, qurbanlıq beriliw toqtatılmas pa edi? Óytkeni sıyınıwshılar bir mártebe gúnalarınan tazalanǵanınan soń, olarda qaytıp gúnakarlıq sezimi qalmaǵan bolar edi.
Evreyler 10:1-2
Muwsanıń Nızamı menen sizler hesh bir gúnadan aqlana almas edińiz. Biraq Iysaǵa isengen hár bir adam Ol arqalı aqlanadı.
Elshiler 13:39
Bul balalar et hám qannan ibarat bolǵanlıqtan, Iysanıń Ózi de olarǵa teńlesip, et hám qannan ibarat bolǵan adamnıń denesine iye boldı. Bunı Ol ólim ústinen biylikke iye bolǵandı, yaǵnıy shaytandı Óz ólimi arqalı nabıt qılıw ushın hám ómir boyı ólim qorqınıshı sebepli qul bolǵanlardıń hámmesin azat qılıw ushın isledi. Sebebi, álbette, Iysa perishtelerge emes, al Ibrayımnıń urpaǵınan bolǵanlarǵa járdem etedi. Sol sebepten Qudaydıń xızmetinde miyrim-shápáátli hám sadıq bas ruwxaniy bolıp, adamlardıń gúnaların tazalaw ushın, Ol hár tárepleme tuwısqanlarına uqsawı kerek edi.
Evreyler 2:14-17
Mukaddes Kitap úzindileri Daily Light on the Daily Path kitabıńan (jámiyetlik múlk).
Apr 11, 2026
Proverbs 10:19
Apr 10, 2026
Song of Solomon 1:5
Apr 9, 2026
Isaiah 43:1
Apr 8, 2026
1 Corinthians 1:5
Apr 7, 2026
2 Corinthians 6:10
Apr 6, 2026
Hebrews 7:25
Apr 5, 2026
Genesis 32:26
