Friday, April 10, 2026

Sen jaqsılıqtan góre, jawızlıqtı, Haqıyqattan góre, ótirikti jaqsı kóreseń. Selah

Zabur 51:5

Sulıwlıǵıń milletler arasında dańq tarattı, Meniń saǵan bergen ullılıǵım sebepli, gózzallıǵıń minsiz edi, – deydi Quday Iye.

Ezekiel 16:14

Bunı kórgen Shimon Petr Iysanıń ayaǵına jıǵılıp: – Iyem! Meniń qasımnan ket, óytkeni men gúnakar adamman, – dedi.

Luka 5:8

Qanday gózzalsań, súyiklim, gózzalsań! Júzińdegi perde astındaǵı kózleriń, Qumırınıń kózlerine megzeydi. Shashlarıń Gilad tawlarınan túsip kiyatırǵan, Qara eshkiler súriwindey tawlanıp turadı.

Qosıqlar qosıǵı 4:1

Sonlıqtan burınǵı aytqanlarıma ókinip, Táwbe qılıp, topıraq penen kúlde otırman.

Ayup 42:6

Súyiklim, sen sonday gózzalsań, Hesh jerińde miniń joq!

Qosıqlar qosıǵı 4:7

Solay etip, men ózimde mınaday nızamnıń bar ekenin bildim: men jaqsı nárseni islewdi qálegenimde, ishimdegi jamanlıq háreket etiwge tayar turadı.

Rimliler 7:21

Sonda adamlar tóseginde jatırǵan bir láń adamdı kóterip, Oǵan alıp keldi. Iysa olardıń isenimin kórip, láń adamǵa: – Balam, jigerli bol, gúnalarıń keshirildi! – dedi.

Matta 9:2

Meniń ishimde, yaǵnıy gúnakar tábiyatımda hesh bir jaqsı nárseniń joq ekenin bilemen. Ishimde jaqsılıq islewge qálew bolsa da, kúshim jetpeydi.

Rimliler 7:18

Sizler de hár qanday hákimshilik hám biyliktiń bası Masiyx penen qatnasta bolıp, usı tolılıqqa eristińiz.

Kolosalılar 2:10

Bizler usı Masiyx haqqında hámmege járiyalap atırmız. Masiyx penen qatnasta bolǵan hár bir adamdı Qudayǵa jetilisken qılıp usınıw ushın, bizler hár bir adamdı eskertip, tolıq danalıq penen tálim bermektemiz.

Kolosalılar 1:28

Arańızdaǵı ayırımlarıńız usınday adamlar edi. Biraq, sizler Iyemiz Iysa Masiyxtıń atı menen hám Qudayımızdıń Ruwxı menen tazalandıńız, muxaddes boldıńız hám aqlandıńız.

1 Korinfliler 6:11

Biraq sizler Quday tárepinen tańlanǵan adamlar, Patshanıń ruwxaniyleri, muxaddes millet hám Qudayǵa tiyisli xalıqsız. Sizler ózlerińizdi qarańǵılıqtan Óziniń ájayıp nurına shaqırǵan Qudaydıń tań qalarlıq islerin járiyalaw ushın tańlandıńlar.

1 Petr 2:9