Thursday, October 2, 2025

Quslar suw boylarında jasaydı, Putalar arasınan olar sayraydı.

Zabur 103:12

Sol kúnleri hám sol waqıtta, – deydi Jaratqan Iye, – Izraildıń ayıbı izlenedi, Biraq hesh bir ayıp tabılmaydı. Yahudanıń gúnası izlenedi, Biraq onnan hesh bir gúna tabılmaydı. Men aman qaldırǵanlarımdı keshiremen».

Eremiya 50:20

Sen bizlerge jáne miyrim-shápáát qılarsań, Ezip taslarsań ayıplarımızdı ayaǵıń astında, Pútkil gúnalarımızdı teńiz túbine ılaqtırasań.

Mixa 7:19

Quday, Saǵan uqsası bar ma eken? Óz xalqıńnıń qalǵanlarınıń, Jınayatların hám kóterilislerin keshiretuǵın basqa Quday joqdur. Máńgige ǵázeplenbesseń xalqıńa, Sebebi sadıq miyrimińdi kórsetiwdi maqul kóreseń.

Mixa 7:18

Bizlerdiń hámmemiz qoylarday joldan adastıq, Hár birimiz óz jolımızdan kettik. Jaratqan Iye oǵan hámmemizdiń qılmısımızdı júkledi.

Iyshaya 53:6

Jan azabınan soń ol nurdı kóredi, Óz bilimi arqalı qanaatlanadı. Meniń ádil qulım kóplerdi aqlaydı, Olardıń qılmısların ózine aladı. Sonlıqtan ullılar qatarında oǵan pay beremen, Kúshliler menen olja bólisedi. Óytkeni ol janın qurban etti, Jınayatshılar qatarında sanaldı, Kóplerdiń gúnasın ózine aldı, Qılmıskerler ushın araǵa tústi.

Iyshaya 53:11-12

Erteńine Yaqıya ózine qaray kiyatırǵan Iysanı kórgende bılay dedi: – Mine, dúnyanıń gúnasın Ózine alatuǵın Qudaydıń Qozısı!

Yuxan 1:29