Friday, September 26, 2025

Xorlanǵanda, hesh kimge qarsı shıǵıp, kewline tiymedi. Ol azap shekkende de hesh kimdi qorqıtpadı, al Ózin ádillik penen húkim etiwshi Qudaydıń qolına tapsırdı.

1 Petr 2:23

Solay etip, hár bir adam ózi ushın ózi Quday aldında juwap beredi.

Rimliler 14:12

Bilip qoyıń: hár bir tiri jan Maǵan tiyisli. Ákeniń de, balanıń da janı Meniki. Tek gúna qılǵan adam óledi.

Ezekiel 18:4

«Oyan, háy qılısh! Meniń shopanıma, Meniń jaqınıma qarsı shıq, – deydi Álemniń Jaratqan Iyesi, – Shopandı shawıp tasla, Qoylar tarqalıp ketsin. Men qozılarǵa qarsı qol kóteremen.

Zexariya 13:7

Bizlerdiń hámmemiz qoylarday joldan adastıq, Hár birimiz óz jolımızdan kettik. Jaratqan Iye oǵan hámmemizdiń qılmısımızdı júkledi.

Iyshaya 53:6

Sen ullısań, ájayıp isler isleyseń, Sen jalǵız Qudaysań.

Zabur 85:10

Óytkeni húkim – rehimsiz adamǵa rehimsiz. Al rehim húkimnen ústin.

Yaqıp 2:13

Sebebi gúnanıń tólemi – ólim, al Qudaydıń sıyı – Iyemiz Masiyx Iysa arqalı beriletuǵın máńgilik ómir.

Rimliler 6:23

Aytıń, dawańızdı bayan etiń, Olar birge másláhátlessin! Bunı ázelden aytqan kim? Ótmishte ayan etken kim? Jaratqan Iye bolǵan Men emespen be? Mennen basqa quday joq, Men ádil Qudayman hám Qutqarıwshıman, Mennen basqası joq.

Iyshaya 45:21

Jáne de, házirgi waqıtta Ol ádilligin dálillep, Óziniń haq ekenin hám Iysaǵa isengen hár bir adamdı aqlaytuǵının kórsetti.

Rimliler 3:26

Biraq, adamlar Qudaydıń miyrimi menen, Iysa Masiyxtıń qanı arqalı esheyin aqlanadı.

Rimliler 3:24