Wednesday, May 21, 2025

Úlkede dán mol bolsın, Taw baslarında dán ónimleri shayqalıp tursın! Masaqları Lebanon toǵayınday mol bolsın, Qala xalqı jerdegi shóp yańlı kóbeysin!

Zabur 71:16

Sebebi men Xosh Xabardan arlanbayman. Xosh Xabar – isengen hár bir adamdı, birinshiden yahudiylerdi, sońınan yahudiy emeslerdi qutqara alatuǵın Qudaydıń kúshi.

Rimliler 1:16

Maǵan kúsh-quwat beretuǵın Iysa Masiyx penen birge hámme nárseni isley alaman.

Filipliler 4:13

Masiyxtıń qúdireti menen mende háreket etiwshi kúsh boyınsha, men de bul maqset ushın bar kúshimdi salıp miynet etpektemen.

Kolosalılar 1:29

Biz elshiler usı ǵáziyneni ılay ıdıs sıyaqlı bolǵan denemizde alıp júrmiz. Bul ullı qúdirettiń bizlerden emes, al Qudaydan ekenligi kórinip tur.

2 Korinfliler 4:7

Keyin Nexemiya xalıqqa bılay dedi: «Endi úylerińizge qaytıp, maylı awqatlardan jep, mazalı ishimliklerden ishińler. Awqat tayarlamaǵanlarǵa da sol nárselerden pay berip jiberińler. Sebebi búgin Iyemiz ushın muxaddes kún. Qayǵırmańlar, sebebi Jaratqan Iye beretuǵın quwanısh sizlerdi kúshli qıladı».

Nexemiya 8:10

11-Onıń ullılıǵınıń qúdiretinen tolıq kúsh-quwat alıp, hámme nársege sabırlılıq penen shıday alıwıńız ushın hám Quday Ákemizge quwanısh penen shúkirlik ete alıwıńız ushın da bizler duwa etip atırmız. Quday Ákemiz bizlerdi nurdaǵı muxaddeslerdiń miyrasına sherik bolıwǵa miyasar qıldı.

Kolosalılar 1:11