Sunday, May 18, 2025

Al endi bolsa, bul miyrimdi Qutqarıwshımız Masiyx Iysanıń dúnyaǵa keliwi menen ashıq kórsetti. Masiyx Iysa ólimniń kúshin joq qılıp, Xosh Xabar arqalı joǵalmaytuǵın máńgilik ómirdi ayan qıldı.

2 Timofey 1:10

Iysa oǵan: – Men qayta tiriliw hám ómirmen. Maǵan isengen adam ólse de, jasaydı.

Yuxan 11:25

Birazdan keyin, dúnya Meni qaytıp kórmeydi. Biraq sizler Meni kóresizler. Óytkeni Men qayta tirilemen, sizler de qayta tirilesizler.

Yuxan 14:19

Óytkeni eger bizler dáslepki isenimimizdi aqırına deyin bekkem saqlasaq, Masiyxqa tiyisli bolǵan hámme nársege sherik bolamız.

Evreyler 3:14

Bir mártebe haqıyqatlıq nurı túsip, Qudaydıń sıyınıń dámin tatqan hám Muxaddes Ruwxqa sherik bolǵanlardı,

Evreyler 6:4

Quday Óz ullılıǵı hám iygiligi arqalı bizlerge júdá úlken hám qımbatlı wádeler berdi. Solay etip, bul wádeler sebepli sizler dúnyadaǵı jaman qálewlerden qutılıp, qudaylıq tábiyatqa sherik bolasızlar.

2 Petr 1:4

Óytkeni Muxaddes Jazıwda bılay delingen: «Birinshi adam – Adam-ata tiri jan boldı». Al sońǵı Adam – Iysa Masiyx ómir beriwshi ruwx boldı.

1 Korinfliler 15:45

Endi men sizlerge bir sırdı ashıp bermekshimen: bizlerdiń hámmemiz ólmeymiz, biraq hámmemiz ózgeremiz. Birden kózdi ashıp-jumǵansha, sońǵı kárnay shalınǵanda, ózgerip ketemiz. Awa, kárnay shalınǵanda, ólgen iseniwshiler shirimeytuǵın denede tiriledi, tiri bolǵan bizler de ózgerip ketemiz.

1 Korinfliler 15:51-52

Hár biriniń altı qanatı bolıp, qanatlarınıń ishi-sırtı tolǵan kóz edi. Olar kúni-túni toqtamastan: «Bar bolǵan, házir bar, Keleshekte keletuǵın, Qúdireti kúshli Quday Iye, Muxaddes, muxaddes, muxaddes!» – deydi. Tórt maqluq máńgi-baqıy jasaytuǵın taxtta Otırǵandı ullılap, Oǵan húrmet kórsetip shúkirlik bildirgen sayın,

Ayan 4:8-9

Quday Ózi belgilegen waqıtta Iysa Masiyxtıń qayta keliwin kórsetedi. Quday – alǵıs-maqtawlarǵa ılayıqlı jalǵız Hákim, patshalar Patshası, húkimdarlar Húkimdarı. Jalǵız Qudaydıń ǵana basında ólim joq. Ol hesh kim jaqınlay almaytuǵın nurda jasaydı, Onı hesh kim kórmegen hám kóriwi de múmkin emes. Húrmet hám máńgilik kúsh-qúdiret Onıki bolsın! Awmiyin.

1 Timofey 6:15-16

Máńgilik Patshaǵa, ólmeytuǵın hám kórinbeytuǵın jalǵız Qudayǵa máńgi-baqıy húrmet hám dańq bolsın! Awmiyin.

1 Timofey 1:17