Sunday, May 11, 2025

Sizlerdiń hámmeńiz nurdıń hám kúndizdiń balalarısız. Bizler túnge yamasa qarańǵılıqqa tiyisli emespiz. Sonlıqtan basqalar sıyaqlı uyıqlamayıq, al oyaw hám sergek bolayıq.

1 Salonikalılar 5:5-6

Házirgi zamannıń qanday ekenin bilip, usını orınlańlar. Endi sizlerdiń uyqıdan oyanatuǵın waqtıńız keldi. Sebebi bizlerdiń qutqarılıwımız bizler isengen dáslepki waqıtlarǵa qaraǵanda, házir jaqınıraq. Tún ótip, kúndiz jaqınladı. Sonlıqtan qarańǵılıqtıń islerin taslap, nurdıń sawıt-quralların taǵıp alayıq.

Rimliler 13:11-12

Sonlıqtan jaman kúnde olarǵa qarsılıq kórsete alıwıńız ushın hám tolıq jeńiske eriskenińizden soń, bekkem tura alıwıńız ushın, Qudaydıń barlıq sawıt-saymanları menen qurallanıńlar.

Efesliler 6:13

Islegen barlıq gúnalarıńızdan júz burıp, ózlerińizge jańa júrek hám jańa ruwx alıń. Izrail xalqı, sizlerge óliwdiń ne keregi bar?

Ezekiel 18:31

Sonlıqtan hár qanday iplaslıqtı hám tasıp baratırǵan jamanlıqtı taslap, ózlerińizde egilgen, janlarıńızdı qutqara alatuǵın Qudaydıń sózin kishipeyillik penen qabıl etińler.

Yaqıp 1:21

Awa, balalarım, endi Masiyx penen qarım-qatnasta bolıp, Ol kelgende, Onıń aldında uyatqa qalmawımız ushın márt bolayıq. Qudaydıń haq ekenin bilseńiz, haq is qılǵan hár bir adamnıń da Onnan tuwılǵanın biliń.

1 Yuxan 2:28-29