Tuesday, May 6, 2025

Aytıń, dawańızdı bayan etiń, Olar birge másláhátlessin! Bunı ázelden aytqan kim? Ótmishte ayan etken kim? Jaratqan Iye bolǵan Men emespen be? Mennen basqa quday joq, Men ádil Qudayman hám Qutqarıwshıman, Mennen basqası joq.

Iyshaya 45:21

Óz ádalatı haqı, Nızamların dańqqa bólep, ullı qılıw, Jaratqan Iyege unadı.

Iyshaya 42:21

Awa, Masiyx hámme ushın óldi. Solay eken, jasap atırǵanlar endi ózleri ushın emes, al ózleri ushın ólgen hám qayta tirilgen Masiyx ushın jasawı shárt.

2 Korinfliler 5:15

Masiyxqa degen isenim menen, Onıń qanı arqalı gúnaları keshirilsin dep, Quday Masiyxtı adamlar ushın qurbanlıqqa baǵıshladı. Quday bul arqalı Óz ádilligin kórsetti. Sebebi Quday sabırlılıq etip, burınnan beri islengen gúnalardı keshirdi. Jáne de, házirgi waqıtta Ol ádilligin dálillep, Óziniń haq ekenin hám Iysaǵa isengen hár bir adamdı aqlaytuǵının kórsetti.

Rimliler 3:25-26

Al ol bizlerdiń qılmıslarımız ushın jaraqatlandı, Bizlerdiń jınayatımız ushın azap shekti. Tınıshlıq alıwımız ushın beriletuǵın jazanı ol aldı, Onıń jaraları bizlerge shıpa berdi.

Iyshaya 53:5

Qudaydıń tańlap alǵan adamları bolǵan bizlerdi kim ayıplay aladı? Qudaydıń Ózi bizlerdi aqlaydı-ǵo.

Rimliler 8:33

Biraq kim de kim óziniń sawap islerine emes, al qudaysız adamdı da aqlaytuǵın Qudayǵa isense, ol isenimi sebepli aqlanǵan bolıp esaplanadı.

Rimliler 4:5