Kúndelik Jarıq

Sonlıqtan ózlerińizdi Qudaydıń qúdiretli qolı astında pás tutıńlar. Sonda belgilengen waqıt kelgende, Ol sizlerdi mártebeli etedi.

1 Petr 5:6

Hár bir tákabbir Jaratqan Iye ushın jerkenishli, Gúmansız, olar jazasız qalmaydı.

Hikmetler 16:5

Sonda da, Jaratqan Iye, Sen bizlerdiń Ákemizseń! Bizler ılay, Sen – gúlalshımızsań. Hámmemiz Seniń qolıńnan shıqqanbız. Jaratqan Iye, bizge qattı ǵázeplenbe, Qılmıslarımızdı bárqulla yadta saqlama. Bizge názer sala gór, jalbarınaman, Hámmemiz Seniń xalqıńbız.

Iyshaya 64:8–9

Men Efrayımnıń hásiretli dawısın esittim: „Men qırsıq bir tana sıyaqlı edim, Meni tárbiyaladıń, men de sabaq aldım. Meni qayta tikle, aldıńa qaytıp barayın, Óytkeni Qudayım Jaratqan Iye – Senseń. Adasqannan keyin, ókinip táwbe qıldım, Aqılım kirgende, sanıma urıp jıladım. Jaslıǵımda islegen ayıp islerim sebepli, Uyalıp, shermende boldım“.

Eremiya 31:18–19

Jaslıqta moyıntırıqqa úyrengen jaqsı.

Joqlaw 3:27

Jawızlıq jerden ósip shıqpaydı, Ǵam-qayǵı da atızda óspeydi. Degen menen, ot ushqınınıń joqarı qarap ushqanı sıyaqlı, Azap shegiw ushın tuwılar insan.

Ayup 5:6–7

Sep 27, 2024