Шымылдық жыртылды
«Мухаддес Руўх буның менен Мухаддес орынға баратуғын жолдың әли ашылмағанын билдиреди» (Еврейлерге 9:8).
«Сонда ғибадатхананың шымылдығы жоқарыдан төменге шекем екиге бөлинип жыртылды» (Марк 15:38).
«Солай етип, ағайынлар, Ийсаның қаны арқалы Мухаддес орынға кириўге бизде еркинлик бар. Ол биз ушын Өз тəни, яғный шымылдық арқалы жаңа ҳəм тири жолды ашты» (Еврейлерге 10:19-20).
Тек бас руўханий ғана ең мухаддес орынға кире алатуғын еди. Ол жылына бир мәрте ғана баратуғын еди, ҳәм қурбанлық қанысыз емес. Қудайға баратуғын жол, өмири өзи алып киретуғын қанға байланыслы болған бир адамнан басқа ҳәмме ушын жабық еди.
Мәсих крестте Өз исин тамамлағанда, сол орынға апартуғын шымылдық, яғный өте беккем перде, жоқарыдан баслап екиге жыртылды, солай етип Қудайға баратуғын жолдың енди ашық екенин билдирди.
Бирақ ким кириўге батырлық етер еди? Биз шынында да Мәсихтиң биз ушын өлгенине исенемиз бе? Онда биз тек ғана кириўге батырлық етип қалмай, ал Ийсаның қаны арқалы батырлық пенен кире аламыз. Аспандағы ең мухаддес орынға жаңа ҳәм тири жол Оның тəниниң шымылдығы арқалы еди.
Қудайға баратуғын жол енди ашық, ҳәм тәўбе етиўге ҳәм Оған исениўге таяр болған ҳәмме кириўге хош келдиңиз.
Том Стир жазған
Шымылдық жыртылды: Мине! Ийса мәрхәмәт тахты алдында тур; Ҳәм Оның қолларынан шыққан хош ийисли түтинлер сол даңқлы орынды толтырады. Оның қымбатлы қаны сол жерге, тахт алдына ҳәм тахт үстине себеленген; Ҳәм Оның Өз жаралары аспанда қутқаратуғын ислердиң тамамланғанын жəриялайды. Джеймс Г. Дек (1807-1884) жазған
