Rabbımızdıń «Meniń boyıntıǵımdı ózińizge alıń, hám Menen úyreniń; sebebi Men miyrimli hám júrekten kishipeyilmen: hám siz janlarıńızǵa tınıshlıq tabasız» degen qımbatlı sózlerin Matfey jazıp alǵan hám ol kishipeyillik sabaǵın úyrengen sıyaqlı. Sebebi ol bergen elshiler diziminde ózin «salıq jıynawshı» dep ataydı, hám solay etip onıń ayıplı kásibinen Rabbı elshisiniń joqarı dárejesine shaqırǵan miyrimdilikti ulǵayttı.
Missioner Keri de sol ruwhtı kórsetti: Shıǵıs Hindistan Kompaniyasınıń bir xızmetkeri onıń ayaq kiyim tikken adam bolmaǵanlıǵın masqaralap sorasa, ol kishipeyil juwap berdi: «Joq, tek ayaq kiyim ońlawshı.»
Bunnan tısqarı, Rabbıǵa eriwge shaqırılǵanda, Matfey bizge bunı islew ushın «hámme nárseni taslap ketkenin» yamasa Rabbı ushın «úlken toy ótkergenin» yamasa Isanıń «kóp salıq jıynawshılar hám gúnákarlar» menen otırǵan úyi onıń úyi ekenin aytpaydı, biraq bul faktler Luka tárepinen biz ushın jazıp alınǵan.
Bul kishipeyil ruwh bizge tábiyiy emes, biz abırayǵa erisiwdi hám onı saqlawdı jaqsı kóremiz, biraq eger biz Ózin «abırayı joq» etken Onnan úyrensek, bizde de boladı
Ózimiz haqqında tómen pikirler, Onıń maqtawın járiyalawshılarǵa sáykes. — Belgisiz
