«Járdemim jer menen aspanı jaratqan Rabbıdan keledi» (Zabur 121:2)
Hámme de turmısta Qudaydıń waqıt-waqıtı menen ruqsat bergen mashqalaları hám qıyınshılıqları menen gúresiwge májbúr. Soraw, biz olardı qalay sheshemiz!
Mashqalalarǵa eki túrli qaraymız. Birinshisi, biz mashqalaǵa itibar beremiz. Ol bizdiń aldımızda úlken tawday turadı hám pútkil oylawımızdı iyeleydi. Hám sol waqıtta biz Qudaydı kózden túsiremiz. Bálkim bir waqıtta gúman menen joqarıǵa qarap, Qudaydıń bul úlken mashqalanı sheshe alatuǵın-sheshpeytuǵının ózimizden soraymız.
Biraq basqa bir jantasıw bar: Ol Qudayǵa itibar beriw. Onıń ullılıǵın kóz aldımızda saqlaw. Onıń qansha qudiretli hám ájayıp ekenligin túsiniw.
Eger biz mashqalaǵa Qudaydıń ullılıǵı nurında qarasqanımızda, aldınǵıdan pútkilley basqa nátiyjege kelemiz. Sebebi sol waqıtta biz bul ullı, qudiretli Quday ushın bul mashqalanıń hesh qanday mashqala emes ekenligine isenim payda etemiz. Onıń ushın hesh nárseniń múmkin emes ekenligine hám Onıń hámme nárseni qadaǵalawında ekenligine isenemiz!
Sonlıqtan, mashqalalarıńızdıń ullılıǵına emes, Qudaydıń ullılıǵına itibar beriń!
