Xoch joli
Rabbimiz Isa Masih azaplarin oylag'animizda, biz bunday su'yispenshilik ha sadig'liq ushin teren' ta'zim etemiz. Sol qorqinishli xochta, Ol Atag'a kemshiliksiz boysiniw menen, O'zinin' kelinin', Shirkeudi qabil etiw ushin O'z o'mirin berdi.
Rabbimiz aldindag'i keshti O'z shakipleri menen joqarg'i bo'lmede o'tkizgen edi, biraq Ol ha On bir shakipler onnan ketiw waqti keldi. Olar bir tawdan tu'sip, Kidron sayin kesip o'tti (Yuhanna 18:1 di qaran'). Patsha Dawit sol saydi ko'p jillar burin kesip o'tken edi (2 Samuel 15:23). Sol waqitta Absalom, Dawittin' su'yikli uli, qozg'alang'a shiqqan edi ha na'tiyjede atasin qashirg'an edi. Kidron sayi Muqaddes Kitapta qashan aytilsa da, ol ha'r dayim o'lim yamasa hu'kim sa'nesi boladi. Say qayg'idan so'yleydi, ha ol qayg'inin' belgisi.
O'z shakipleri menen birge, Rabbimiz sol saydan o'tti ha Getsemane bag'ina kirdi, onin' ma'nisi "may pressi" degen. Segiz shakiplerge belgili bir jerde qaliw aytildi, al u'shewine Onin' menen birge barıwg'a ruqsat berildi, biraq toliq emes. Ol sol u'shewin artinda qaldirdi, olar sinawg'a tu'spewi ushin duga etiwdi buyirip.
Luka 22:41 bizge Onin' olardan "bir tas atim jerge" shegengenligin aytadi. Bul ju'da' a'hmiyetli. Rabbimiz O'z xalqina burin huqiq buzarlardi tas penen uriw haqqinda ko'rsetpeler bergen edi. Gu'walardin' qollari birinshi tasti atiwlari kerek edi (Yasa 17:7). Biz Rabbimizdin' u'sh shakiplerinen qansha araliqqa barg'anin esaplay almaymiz, biraq bir zat an'iq: olar Onin' Atasina so'ylegenin esite alardi, bul araliqtin' qisqa ekenligin ha bunday tastin' u'lken salmag'a iye ekenligin ko'rsetedi.
Rabbimizdin' qabil etpekshi bolg'an hu'kimi Onin' u'stine, Qudaydin' Uli u'stine ju'da' awir tu'sti. Onin' shakipleri uxlag'anda, bizdin' ba'rketli Rabbimiz jerde jatip, biz ushin Atanin' qolinan hu'kim kubogin qabil etetug'inin ja'riyaladi. "Rabbim, Senin' su'yispenshiligin o'limge de bara aladi" (H. L. Rossier, 1834–1928).
