Ҳүрметли оқыўшы,
Мине, Мен тез келемен: бул китаптың пайғамбарлық сөзлерин сақлаған адам бахытлы (Аян 22:7).
Биз Қудайдың Сөзи (Ҳаўарийлердиң ислери 1:7) бизге Хожаның Өзиниң Шеркеўин – Ийсаны Қутқарыўшы ҳәм Хожа деп билген ҳәр бир адамды – Өзи менен бирге алыў ушын келиўиниң күнин, айын яки жылын жәрияламағанын билемиз. Бирақ Аян китабының 22-бабында үш мәрте Хожаның тез келетуғынын айтқан анық даўысын еситемиз.
Бул Китаптың сөзлерин сақлағанларды айырым өзгешеликлер белгилейтуғын сыяқлы. Олар Хожасын күтип атырған адамлардың минези менен белгиленеди. Беллери буўылған ҳәм шамлары жанып турған: яғный Оның ушын жасаўда, Оған хызмет етиўде ҳәм Ол ҳаққында гүўалық бериўде белсенди. Қудай Масихты ең жоқары етиў Өзиниң мақсетин әмелге асырыўда алға жылжып атыр. Бул Китаптың пайғамбарлығы бизди Қудайдың не ислейтуғыны ҳаққында ағартыў ушын, ҳәм биз бул сөзлерди сақлап, Хожаның келиўин күтип атырғанлар сыяқлы жасаўымыз керек.
Биз әтирапымызда болып атырған ўақыяларға қарамастан, жоқарыға қараймыз ҳәм Оның берекетли даўысын тыңлаймыз:
...жоқарыға қараң ҳәм басларыңызды көтериң, өйткени сиздиң қутқарылыўыңыз жақынласып қалды (Лука 21:28).
