1 Qutqarılıw bayramınan altı kún aldın Iysa Betaniyaǵa, Ózi ólimnen tiriltken Lazar jasaytuǵın jerge keldi. 2 Sol jerde Iysa ushın keshki zıyapat berildi. Marta xızmet etip júrgen edi. Iysa menen dasturxan átirapında jambaslap jatırǵanlardıń arasında Lazar da bar edi. 3 Sonda Máriyam kishkene gúze menen júdá qımbat turatuǵın, sap nardtan alınǵan átir maydı alıp kelip, Iysanıń ayaqlarına jaqtı hám Onıń ayaqların shashları menen súrtti. Úydiń ishi átir maydıń xosh iyisine tolıp ketti.
4 Sonda Iysanıń shákirtleriniń biri, sońınan Oǵan satqınlıq isleytuǵın Yahuda Isqariot:
5 – Ne ushın bul may úsh júz dinarǵa satılıp, aqshası jarlılarǵa berilmedi? – dedi.
6 Bul sózlerdi ol jarlılardı oylaǵanı ushın emes, al urı bolǵanı ushın ayttı. Ortalıqtaǵı puldıń qutısı onda bolıp, ol qutıǵa salınǵanlardan ózine alatuǵın edi.
7 Iysa:
– Hayaldı tınıshına qoy! Ol bunı Meniń jerlenetuǵın kúnim ushın saqlap qoyǵan. 8 Jarlılar sizler menen bárqulla birge, al Men sizler menen bárqulla birge bolmayman, – dedi.
9 Kóplegen yahudiyler Iysanıń Betaniyada ekenin bilip, sol jerge keldi. Olar tek Iysa ushın emes, al Ol ólimnen tiriltken Lazardı kóriw ushın da keldi. 10 Sonda bas ruwxaniyler Lazardı da óltiriwge til biriktirgen edi. 11 Óytkeni ol sebepli kóp yahudiyler Iysaǵa erip, Oǵan isenetuǵın boldı.
12 Erteńine Erusalimdegi bayramǵa kelgen kóp xalıq Iysanıń da sol jerge keletuǵının esitip qaldı. 13 Olar palma aǵashınıń shaqaların alıp, Iysanı qarsı alıwǵa shıqtı hám bálent dawıs penen bılay dedi:
«Hosanna!
Jaratqan Iyeniń atı menen keletuǵın
Izraildıń Patshası jarılqansın!»
14-15 Muxaddes Jazıwda:
«Qorqpa, qız Sion!
Mine, gúrrege minip, seniń Patshań kiyatır», –
dep jazılǵanday, Iysa bir gúrreni tawıp, oǵan mindi.
16 Onıń shákirtleri dáslep bunı túsinbedi. Biraq Iysa ullılıqqa eriskennen soń, bul sózlerdiń Ol haqqında jazılǵanın hám xalıqtıń bulardı Ol ushın islegenin eslerine túsirdi.
17 Iysanıń Lazardı qábirden shaqırıp, onı ólimnen tiriltken waqtında Iysa menen birge bolǵan xalıq kórgenlerin aytıp júrdi. 18 Sonlıqtan Iysanıń bul káramatlı belgini islegenin esitken kóp adamlar Onı qarsı alıwǵa shıqtı. 19 Al pariseyler bir-birine:
– Kórip tursızlar ma? Qolıńızdan hesh nárse kelmey atır. Pútkil dúnya Onıń izine erip ketti! – dedi.
20 Bayramda sıyınıw ushın Erusalimge kelgenler arasında bazı grekler de bar edi. 21 Olar Galilanıń Betsayda qalasınan bolǵan Filipke kelip:
– Mırza, bizler Iysanı kóriwdi qáleymiz, – dep ótinish etti.
22 Filip barıp, bunı Andreyge ayttı. Andrey menen Filip Iysaǵa barıp xabarladı.
23 Iysa olarǵa bılay dep juwap berdi:
– Adam Ulınıń ullılanatuǵın waqtı keldi. 24 Sizlerge shının, haqıyqatın aytaman: biyday dáni jerge túsip ólmese, ol jalǵız qaladı. Al eger ólse, kóp zúráát beredi. 25 Óz janın qádirleytuǵın adam onı joytadı. Al bul dúnyada óz janın ayamaytuǵın adam onı máńgilik ómir ushın saqlaydı. 26 Kim de kim Maǵan xızmet etiwdi qálese, izime ersin. Men qay jerde bolsam, Meniń xızmetshim de sol jerde boladı. Kim de kim Maǵan xızmet etse, onı Ákem izzet etedi.
27 Endi júregim qayǵıǵa toldı. Men ne deyin? «Áke, Meni bul waqıttan qutqar», – deyin be? Biraq Men usı waqıt ushın kelgenmen. 28 Áke, Óz atıńdı ullıla!
Sonda aspannan:
– Atımdı ullıladım, Men onı jáne de ullılayman, – degen saza keldi.
29 Sol jerde turıp, bunı esitken alaman ishinen ayırımları: «Aspan gúrkiredi», – dedi. Al basqaları: «Oǵan perishte sóyledi», – dedi.
30 Iysa olarǵa juwap berip:
– Bul saza Men ushın emes, al sizler ushın esitildi. 31 Házir bul dúnyanıń húkim etiletuǵın waqtı keldi. Házir bul dúnyanıń hákimi quwıp shıǵarıladı. 32 Men jerden joqarıǵa kóterilgenimde, hámme adamlardı Ózime tartaman, – dedi.
33 Iysa bunı qanday ólim menen óletuǵının bildiriw ushın ayttı.
34 Xalıq Oǵan bılay dep juwap berdi:
– Bizler Muxaddes Jazıwdan Masiyxtıń máńgi jasaytuǵının esitkenbiz. Qalay Sen: «Adam Ulı joqarıǵa kóteriliwi tiyis», – dep atırsań? Bul Adam Ulı degeni kim?
35 Iysa bılay dedi:
– Jáne az waqıt nur sizler menen birge boladı. Sizlerdi qarańǵılıq baspawı ushın, nur bar waqıtta júrip qalıńlar. Qarańǵılıqta júrgen adam qayaqqa baratırǵanın bilmeydi. 36 Sizlerde nur bar waqıtta nurǵa isenińler. Sonda nurdıń balaları bolasızlar.
Iysa usı sózlerdi aytıp bolıp, olardıń kózlerinen tasalandı.
37 Iysa olardıń kóz aldında sonsha káramatlı belgiler kórsetse de, olar Iysaǵa isenbedi. 38 Solay etip, Iyshaya payǵambardıń aytqan mına sózleri orınlandı:
«Iyem! Bizler aytqan xabarǵa kim isendi?
Jaratqan Iyeniń kúsh-qúdireti kimge ayan boldı?»
39 Sonlıqtan olar isene almadı. Sebebi Iyshaya payǵambar jáne bılay degen edi:
40 «Quday olardıń kózlerin soqır etti,
Júreklerin tas qıldı.
Kózleri menen kórmeydi,
Júrekleri menen túsinbeydi.
Men olarǵa shıpa beriwim ushın,
Maǵan qaytıp kelmeydi».
41 Iyshaya Iysanıń ullılıǵın kórgenlikten, Ol haqqında sóylep, usı sózlerdi aytqan edi.
42 Soǵan qaramastan, basshılar arasında da kóbisi Iysaǵa isendi. Biraq pariseylerden qorqıp, májilisxanadan quwılmawı ushın, isenimlerin ashıq moyınlamadı. 43 Óytkeni olar Qudaydıń maqtawınan góre, adamnıń maqtawın kóbirek jaqsı kórdi.
44 Sonda Iysa bálent dawıs penen bılay dedi:
– Maǵan isengen adam Meni Jibergen Qudayǵa isengen boladı. 45 Jáne de, Meni kórgen adam Meni Jibergen Qudaydı kórgen boladı. 46 Maǵan isengen hár bir adam qarańǵılıqta qalmawı ushın, Men dúnyaǵa nur bolıp keldim.
47 Kim de kim Meniń sózlerimdi esitse de, biraq olardı orınlamasa, Men onı húkim etpeymen. Sebebi Men dúnyanı húkim etiw ushın emes, al onı qutqarıw ushın keldim. 48 Meni tán almay, sózlerimdi qabıllamaǵan adamnıń húkim etiwshisi bar. Meniń sóylegen sózim aqırǵı kúni onı húkim etedi. 49 Óytkeni Men Ózligimnen sóylegen joqpan. Al Meni jibergen Ákemniń Ózi ne aytıwımdı hám qalay sóylewimdi Maǵan buyırdı. 50 Onıń buyrıǵınıń máńgilik ómirge jeteleytuǵının bilemen. Sonlıqtan Men ne aytsam da, Ákemniń Maǵan aytqanın aytıp atırman.
1 Bunnan keyin, Iyemiz basqa jetpis eki shákirtin tańlap alıp, Ózi barǵısı kelip júrgen hár bir qala hám orınlarǵa olardı ekew-ekewden Ózinen burın jiberip atırıp 2 bılay dedi:
– Orılatuǵın egin kóp, biraq jumısshılar az. Sonlıqtan zúrááttiń iyesi bolǵan Iyemizden Óziniń atızına egindi oratuǵın jumısshılar jiberiwin duwa etip sorańlar. 3 Barıńlar! Mine, Men sizlerdi qozılardı qasqırlardıń arasına jibergendey, jiberip atırman. 4 Shıjlan da, dorba da, ayaq kiyim de almańlar, jolda hesh kimge sálem de bermeńler. 5 Qaysı úyge kirseńler de, dáslep: «Bul úyde amanlıq bolsın!» – dep sálem berińler. 6 Eger sol úyde amanlıqtı súyiwshi adam bolsa, sizler tilegen amanlıq sol adamda qaladı, al eger bolmasa, ózlerińizge qaytadı. 7 Sol úyde qalıp, bergenin iship-jeńler. Óytkeni miynet etken adam óz miynet haqısına ılayıqlı. Úyden-úyge kóship júrmeńler. 8 Eger qanday da bir qalaǵa kelgenińizde sizlerdi qabıl etse, bergenin jeńler. 9 Sol jerdegi awırıw adamlarǵa shıpa berip, olarǵa: «Sizlerge Qudaydıń Patshalıǵı jaqınladı», – deńler. 10 Biraq qanday da bir qalaǵa kelgenińizde sizlerdi qabıl etpese, kóshege shıǵıp: 11 «Qalańızdan ayaqlarımızǵa juqqan shańdı da sizlerge eskertiw retinde qaǵıp taslaymız. Biraq bilip qoyıńlar, Qudaydıń Patshalıǵı jaqınladı», – dep aytıńlar. 12 Sizlerge aytatuǵınım: húkim shıǵarılatuǵın qıyamet-qayım kúni Sodom qalasınıń awhalı sol qalanıń awhalınan jeńilirek boladı.
13 – Hásiret shegeseń, Xorazin! Hásiret shegeseń, Betsayda! Eger sizlerde islengen káramatlar Tir hám Sidon qalalarında islengeninde, olar álle qashan aza kiyimin kiyip, basına kúl shashıp, táwbe eter edi. 14 Biraq húkim shıǵarılatuǵın qıyamet-qayım kúninde Tir menen Sidonnıń awhalı sizlerdiń awhalıńızdan jeńilirek boladı. 15 Háy sen, Kaparnahum, aspanǵa kóterileseń be? Yaq, dozaqqa qulatılasań.
16 Iysa shákirtlerine jáne bılay dedi:
– Kim de kim sizlerdi tıńlasa, Meni tıńlaǵanı boladı. Kim de kim sizlerdi qabıl almasa, Meni qabıl almaǵanı boladı. Al kim de kim Meni qabıl alsa, Meni Jibergendi qabıl alǵanı boladı.
17 Iysanıń jetpis eki shákirti quwanısh penen qaytıp kelip:
– Iyem! Seniń atıńdı tilge alsaq, jinler de bizlerge boysınadı, – dedi.
18 Iysa olarǵa:
– Shaytannıń jıldırım sıyaqlı aspannan túskenin kórdim. 19 Minekey, Men sizlerge jılanlar menen shayanlardı ayaq astı qılıp, dushpannıń pútkil kúsh-qúdiretin jeńiwge biylik berdim. Sizlerge hesh nárse zıyanın tiygize almaydı. 20 Biraq jawız ruwxlardıń sizlerge boysınǵanına emes, al atlarıńızdıń aspanda jazılǵanına quwanıńlar, – dedi.
21 Sonda Iysa Muxaddes Ruwxtan shadlanıp bılay dedi:
– O, Áke, aspan menen jerdiń Iyesi! Bulardı danalardan hám aqıllılardan jasırıp, nárestedey adamlarǵa ashıp bildirgeniń ushın, Seni maqtayman! Awa, Áke! Sebebi Seniń qálewiń usınday edi.
22 Maǵan hámmesi Ákemnen berilgen. Uldıń kim ekenin Ákeden basqa hesh kim bilmeydi. Ákeniń kim ekenin de tek ǵana Ulı hám Ulı tańlap ashıp bildirgisi kelgenler ǵana biledi.
23 Sońınan Iysa shákirtlerine burılıp olarǵa ayrıqsha bılay dedi:
– Sizlerdiń kórip atırǵanıńızdı kórip turǵan kózler baxıtlı! 24 Meniń sizlerge aytatuǵınım: qanshama payǵambarlar menen patshalar sizlerdiń kórgenlerińizdi kórgisi kelgen edi, biraq kórmedi. Esitkenlerińizdi esitkisi kelgen edi, biraq esitpedi.
25 Sonda bir nızam muǵallimi ornınan turıp, Iysanı sınap kóriw ushın, Onnan:
– Ustaz, máńgilik ómirdi alıwım ushın ne qılıwım kerek? – dep soradı.
26 Iysa oǵan:
– Muxaddes Nızamda ne dep jazılǵan? Sen onı qalay túsineseń? – dedi.
27 Ol juwap berip:
– «Qudayıń Jaratqan Iyeni shın júregiń, jan-tániń, bar kúshiń hám pútkil aqıl-oyıń menen súy». Jáne de: «Ózińdi súygeniń sıyaqlı, janıńdaǵı adamdı da súy», – delingen, – dedi.
28 Iysa oǵan:
– Durıs juwap berdiń, usılay isle, sonda jasaysań, – dedi.
29 Biraq ol ózin aqlaǵısı kelip, Iysadan:
– Meniń jaqınım kim? – dep soradı.
30 Iysa oǵan bılay dep juwap qaytardı:
– Bir adam Erusalimnen Erixoǵa kiyatırıp, qaraqshılardıń qolına túsip qalıptı. Qaraqshılar onıń kiyimlerin sheship alıp, onı sabap, ólimshi etip taslap ketipti. 31 Sonda bir ruwxaniy sol jol menen júrip, onı kórip, basqa jaqqa burılıp ketipti. 32 Bir lebiyli de sol jerge kelip, onı kórip, basqa jaqqa burılıp ketipti. 33 Biraq sol jerden ótip baratırǵan samariyalı bir adam ol jatırǵan jerge kelip, onı kórgende janı ashıptı. 34 Onıń janına barıp, jaraqatların sharap penen juwıptı hám may jaǵıp tańıptı. Onı eshegine mingizip, miymanxanaǵa alıp kelip, ǵamxorlıq kórsetipti.
35 Erteńine eki dinar shıǵarıp, miymanxana iyesine beripti de: «Oǵan jaqsılap qara. Eger bunnan artıq qárejet shıǵarsań, qaytıp kelgenimnen soń tóleymen», – depti. 36 Endi usı úshewiniń qaysısı qaraqshılardıń qolına túsken adamnıń jaqını boladı, dep oylaysań?
37 Nızam muǵallimi:
– Oǵan miyrimlilik kórsetkeni, – dedi.
Iysa oǵan:
– Bar, sen de usılay isle, – dedi.
38 Olar jol júrip kiyatırǵanda, Iysa bir awılǵa kirdi. Bul jerde Marta atlı bir hayal Onı úyine qabıl etti. 39 Martanıń Máriyam degen sińlisi bar edi. Ol Iysanıń ayaq betinde otırıp, Onıń sózlerin tıńladı. 40 Al Marta qonaq kútiw menen bánt boldı. Ol Iysaǵa kelip:
– Iyem, sińlimniń hámme isti meniń bir ózime qaldırǵanına qaramaysań ba? Oǵan ayt, maǵan járdemlessin, – dedi.
41 Biraq Iysa oǵan juwap berip:
– Eh, Marta, Marta, sen kóp nárselerdi uwayımlap, táshiwishleneseń. 42 Tek bir nárse ǵana zárúr. Máriyam durıs joldı tańladı, bul onnan tartıp alınbaydı, – dedi.
13 Ol óziniń on xızmetshisin shaqırıp alıp: «Men qaytıp kelemen degenshe, bul aqshanı aylanısqa salıńlar», – dep, olarǵa on mina beripti.
Yuxan 12 · Luka 10 · Luka 19:13 · QrqMK22
Бұл танымал оқиғада Әкеміз Иса алдымен Симон Петр мен Андрейді шақырды, содан кейін Ол Жақып пен Жоханды да шақырды. Екі жағдайда да олар Әкемізге еру үшін балық аулау кәсібін тастап кетті. Алайда, Киелі кітапта олар балық аулау кәсібін адамдарды аулаушы болу үшін тастап кетті деп айтылмайтынын ескеріңіз. Әкеміз оларды солай етемін дегені рас. Бірақ аяттар не дейді? Олар Оған еру үшін барлығын тастап кетті.
Біз бұл айырмашылықты неге көрсетеміз? Тек осы себепті, Петр мен Андрейдің, және Жақып пен Жоханның алдында тұрған нысанды ерекшелеу үшін. Қызмет ету, адамдарды аулау олардың алдындағы нысан емес еді. Мәсіхтің Өзі болды. Олар Оған ерді.
Біз айтқымыз келген ойды Лұқа 10 және Жохан 12-дегі Мартаның қызметі туралы екі оқиғадағы айырмашылықты қарастыру арқылы суреттей аламыз. Лұқа 10-да қызметтің өзі Мартаның назарында болды, сондықтан ол «көп нәрсеге алаңдап, мазасызданды». Ол тіпті әпкесінің өзі ойлағандай қызмет етпейтініне шағымдана бастады! Бірақ Жохан 12-де Әкеміздің Өзі оның нысаны болды, және барлығы Оның даңқы үшін болды. Мұнда басқаларға шағымдану болған жоқ, керісінше оның қызметі басқалардың қызметін тамаша толықтырды.
Әрине, біз көпшілігі Әкемізге қызмет ету үшін жұмысын, не үйін, не отбасын тастап кетуге шақырылмайтынын түсінеміз. Бірақ біз бәріміз Ол бізді орналастырған кез келген жағдайда Оған қызмет етуге шақырылғанбыз. Біз бәріміз Ол келгенше жұмыс істеуіміз керек қызметшілерміз (Лұқа 19:13).
Әкеміз бәрімізге рақым берсін, Ол біздің қолымызға қандай қызмет берсе де, Оның Өзі біздің нысанымыз болсын, және біздің тілегіміз Оны даңқтау болсын.
