1 Patsha Dawıt qartayıp, biraz jasqa barıp qaldı. Onıń ústine qansha kórpe jawsa da, ol hesh ısımadı. 2 Sonda xızmetshileri Dawıtqa:
– Taqsır! Janıńızda bolıp sizge qarawı, qoynıńızǵa kirip sizdi ısıtıwı ushın jas bir qız tabayıq, – dedi.
3 Xızmetshiler pútkil Izraildı aralap, sulıw qız izledi hám shunemli Abishag degen jas hám sulıw bir qızdı tawıp, onı patshaǵa alıp keldi. 4 Qız júdá gózzal edi. Ol patshaǵa qarap, oǵan xızmet etti. Biraq patsha qızǵa jaqınlaspadı.
5 Dawıttıń Xaggit degen hayalınan tuwılǵan ulı Adoniya: «Men patsha bolaman», – dep kókirek kóterip júrdi. Ol ózine sawash arbaları menen atlardı hám aldında juwırıp júretuǵın eliw saqshını aldı. 6 Ákesi Dawıt hesh qashan oǵan: «Nege bulay islediń?» – dep, onı tártipke shaqırıp turmaytuǵın edi. Adoniya Abshalomnan keyin tuwılǵan bolıp, ol da júdá sımbatı kelisken jigit edi.
7 Adoniya Seruya ulı Ioab hám ruwxaniy Abiyatar menen keńesti hám olar Adoniyanı qollap quwatladı. 8 Biraq ruwxaniy Sadoq, Ehoyada ulı Benaya, payǵambar Natan, Shimey, Rey hám Dawıttıń tán saqshıları Adoniyaǵa qosılmadı.
9 Adoniya Rogel bulaǵına jaqın jerdegi Zoxelet tasınıń janında qoylar, buǵalar hám semirtilgen tanalardı qurbanlıqqa shaldı. Oǵan óziniń pútkil tuwısqanların, yaǵnıy patshanıń ulların hám patshaǵa xızmet etetuǵın barlıq yahudalılardı mirát etti. 10 Biraq payǵambar Natandı, Benayanı, patshanıń tán saqshıların hám tuwısqanı Sulaymandı mirát etpedi.
11 Sonda Natan Sulaymannıń anası Bat-Shebaǵa bılay dedi:
– Xaggitten tuwılǵan Adoniyanıń ózin ózi patsha dep járiyalaǵanın esitpedińiz be? Mırzamız Dawıttıń bunnan xabarı joq. 12 Endi ózińizdiń hám ulıńız Sulaymannıń ómirin qutqarıp qalıwıńız ushın sizge bir másláhát bereyin. 13 Barıp, patsha Dawıttıń aldına kiriń hám oǵan: «Taqsır, mennen soń seniń ulıń Sulayman patsha bolıp, meniń taxtıma otıradı, dep maǵan ant ishken joq pa edińiz? Onda nege Adoniya patsha boldı?» – dep aytıń. 14 Siz patsha menen sóylesip atırǵanıńızda, izińizshe men de ishke kirip barıp, sózlerińizdi tastıyıqlayman.
15 Bat-Sheba patshanıń jataq jayına kirdi. Patsha qattı qartayǵan bolıp, shunemli Abishag oǵan xızmet etip atırǵan edi. 16 Bat-Sheba jerge jıǵılıp, patshaǵa tájim etti. Patsha onnan:
– Tilegiń ne? – dep soradı.
17 Bat-Sheba oǵan bılay dep juwap berdi:
– Taqsır! Siz: «Mennen keyin ulıń Sulayman patsha bolıp, taxtıma otıradı», – dep Qudayıńız Jaratqan Iye haqı maǵan ant bergen edińiz. 18 Mine, házir Adoniya patsha bolıp alǵan. Taqsır, bunnan siziń xabarıńız joq. 19 Ol bir qansha buǵalardı, semirtilgen tanalardı hám qoylardı qurbanlıqqa shaldı. Oǵan patshanıń hámme ulların, ruwxaniy Abiyatardı hám sárkárda Ioabtı mirát etti. Biraq sizge xızmet etetuǵın ulıńız Sulaymandı mirát etpedi. 20 Taqsır, pútkil Izraildıń kózi sizde. Olar ózińizden keyin taxtıńızǵa kimniń otıratuǵının bildiriwińizdi kútip atır. 21 Bolmasa, siz dúnyadan ótip, ata-babalarıńızǵa qosılǵanıńızda, maǵan hám ulım Sulaymanǵa ayıp taǵıladı.
22 Bat-Sheba ele patsha menen sóylesip turǵanda, payǵambar Natan da keldi. 23 Patshaǵa: «Payǵambar Natan keldi», – dep xabarladı. Natan patshanıń aldına keldi de, et betinen jıǵılıp, tájim etti.
24 Sońınan Natan bılay dedi:
– Taqsır, siz: «Mennen keyin Adoniya patsha boladı, taxtıma ol otıradı», – degen be edińiz? 25 Ol búgin barıp, bir qansha buǵalardı, semirtilgen tanalardı hám qoylardı qurbanlıqqa shalıp, siziń barlıq ullarıńızdı, ordadaǵı áskerbasılardı hám ruwxaniy Abiyatardı mirát etti. Házir hámmesi onıń menen iship-jep: «Jasasın, patsha Adoniya!» – dep baqırısıp atır. 26 Biraq Adoniya meni, ruwxaniy Sadoqtı, Ehoyada ulı Benayanı hám sizge xızmet etetuǵın ulıńız Sulaymandı mirát etpedi. 27 Taqsır, bulardıń hámmesi siziń ruxsatıńız benen bolıp atır ma? Ne ushın ózińizden keyin taxtıńızǵa kimniń otıratuǵının qullarıńız bolǵan bizlerge bildirmedińiz?
28 Patsha Dawıt:
– Bat-Shebanı maǵan shaqırıń! – dedi.
Bat-Sheba kelip, patshanıń aldında turdı. 29 Patsha Bat-Shebaǵa bılay dedi:
– Meni barlıq bále-qadalardan qutqarǵan tiri Jaratqan Iye haqı ant ishemen: 30 «Mennen keyin ulıń Sulayman patsha bolıp, taxtıma otıradı», – dep Izraildıń Qudayı Jaratqan Iye haqı saǵan bergen antımdı búgin orınlayman.
31 Sonda Bat-Sheba et betinen jıǵılıp, patshaǵa tájim etti de:
– Mırzam Dawıt patsha máńgi jasasın! – dedi.
32 Patsha Dawıt:
– Ruwxaniy Sadoqtı, payǵambar Natandı hám Ehoyada ulı Benayanı maǵan shaqırıń, – dedi.
Olardıń hámmesi patshanıń aldına kelgende, 33 patsha olarǵa bılay dedi:
– Meniń xızmetkerlerimdi janıńızǵa alıń hám ulım Sulaymandı meniń ǵashırıma mindirip, Gixon bulaǵına aparıń. 34 Ol jerde ruwxaniy Sadoq hám payǵambar Natan onı maylap, Izrailǵa patsha etip qoysın. Keyin kárnay shalıp: «Jasasın, patsha Sulayman!» – dep jar salıń. 35 Sońınan onıń izine erip, qaytıp keliń. Ol kelip, meniń taxtıma otıradı hám meniń ornıma patsha boladı. Men onı Izrail hám Yahudaǵa húkimdar etip tayınladım.
36 Ehoyada ulı Benaya patshaǵa juwap berip bılay dedi:
– Awmiyin. Taqsır, siziń Qudayıńız Jaratqan Iye de bul qarardı qollap quwatlasın. 37 Jaratqan Iye siz benen birge bolǵanı sıyaqlı, Sulayman menen de birge bolsın hám onıń patshalıǵın siziń patshalıǵıńızdan da ullıraq qılsın!
38 Ruwxaniy Sadoq, payǵambar Natan, Ehoyada ulı Benaya hám keretler menen peletlerden alınǵan tán saqshılar Sulaymandı patsha Dawıttıń ǵashırına mindirip, onı Gixonǵa alıp bardı. 39 Ruwxaniy Sadoq Muxaddes shatırdan záytún mayı quyılǵan shaqtı alıp, Sulaymannıń basına may quydı. Sońınan olar kárnay shaldı hám hámme adamlar: «Jasasın, patsha Sulayman!» – dep baqırdı. 40 Xalıq Sulaymannıń izine erip ketti. Olardıń sırnay shalıp, ullı quwanısh penen baqırısqan dawıslarınan jer titiredi.
41 Adoniya hám onıń janındaǵı qonaqlar endi awqatların jep bolǵanda, usı dawıstı esitti. Ioab kárnay dawısın esitkende:
– Qalanı lárzege keltirip atırǵan bul ne shawqım eken? – dedi. 42 Ol ele sóylep turǵanda, ruwxaniy Abiyatardıń ulı Ionatan kelip qaldı. Adoniya oǵan:
– Ishke kir, sen óziń sadıq adamsań, alıp kelgen xabarıń da jaqsı bolsa kerek, – dedi.
43 Ionatan oǵan bılay dep juwap berdi:
– Yaq, bul ret basqasha. Mırzamız Dawıt patsha Sulaymandı patsha etip qoydı. 44 Patsha ruwxaniy Sadoqtı, payǵambar Natandı, Ehoyada ulı Benayanı hám keretler menen peletlerden alınǵan tán saqshılardı Sulaymanǵa qosıp jiberdi. Olar Sulaymandı patshanıń ǵashırına mindirdi. 45 Gixonda Sulayman ruwxaniy Sadoq hám payǵambar Natan tárepinen maylanıp, patsha etip qoyıldı. Olar sol jerden quwanısh penen qaytıp keldi hám qala janlanıp ketti. Esitip turǵanıńız olardıń dawısları. 46 Sulayman házir patshalıq taxtında otırıptı. 47 Bunnan tısqarı, patshamız Dawıttı qutlıqlawǵa kelgen xızmetshileri: «Qudayıńız Sulaymannıń atın siziń atıńızdan ataqlıraq, al onıń patshalıǵın siziń patshalıǵıńızdan da ullıraq qılsın!» – degende, patsha tóseginde jatıp, tájim etip: 48 «Búgin kózimniń tirisinde urpaǵımnan birin taxtıma otırǵızǵanı ushın Izraildıń Qudayı Jaratqan Iyege alǵıslar bolsın!» – dedi.
49 Sonda Adoniyanıń qonaqlarınıń hámmesin qorqıw basıp, orınlarınan turdı da, hár biri óz jolına tústi. 50 Adoniya bolsa, Sulaymannan qorqqanınan ornınan turdı da, qurbanlıq orınǵa barıp, onıń shaqlarına jabıstı. 51 Bunı Sulaymanǵa xabarlap:
– Adoniya sizden qorqıp, qurbanlıq orınnıń shaqlarına jabısıp alǵan. Ol: «Dáslep patsha Sulayman qulı bolǵan meni qılısh penen óltirmeytuǵının aytıp ant ishsin», – dep atır, – dedi.
52 Sulayman olarǵa:
– Eger ol maǵan sadıq adam bolsa, onıń shashınıń bir talına da zıyan tiymeydi. Al eger ishinde qanday da bir jamanlıq bar bolsa, onda ol óltiriledi, – dep juwap berdi.
53 Sońınan patsha Sulayman jibergen adamlar Adoniyanı qurbanlıq orınnan alıp keldi. Adoniya kelip, patsha Sulaymanǵa tájim etti. Sulayman oǵan:
– Úyińe bar, – dedi.
1 Dawıttıń ólimi jaqınlasqanda, ol ulı Sulaymanǵa mına wásiyatlardı berdi:
2 – Basqalar sıyaqlı men de jaqın arada bul dúnyanı tárk etemen. Sen kúshli hám márt bol. 3 Islegen hár bir isińde hám barǵan hár bir jerińde tabısqa erisiwiń ushın, Qudayıń Jaratqan Iyeniń tapsırmaların orınlap, Onıń jollarınan júr hám Muwsanıń Nızamında jazılǵanınday, Qudaydıń qaǵıydalarına, buyrıqlarına, nızamlarına hám qararlarına boysın.
3 Patshalar 1 · 3 Patshalar 2:1–3 · QrqMK22
Дәуіттің өмірінің соңы бұл Құдай адамы үшін оңай болмады. Оның ең үлкен тірі ұлы Адония өзін жоғары қойып, Жоаб пен діни қызметкер Абиатардың көмегімен Құдайдың айқын еркіне қарсы өзін патша етуге тырысты. Дәуіт бұл туралы хабардар болғанда, Сүлейменді патша етіп майлауға, оны Дәуіттің өз қашырына мінгізіп, патшалық тағына отырғызуға бұйрық берді. Мұның бәрі 1 Патшалықтар 1-дегі жазбаға сәйкес үлкен қуанышпен және қатты шаттықпен орындалды.
2-тарауда біз Дәуіттің ұлына берген соңғы жеке өсиетін оқимыз. Ол Сүлейменді Мысыр заңында айтылған Құдай Сөзіне бағыну арқылы күшті болып, еркек екенін дәлелдеуге шақырады – бұл шынайы өркендеу мен табысқа, және Құдайдың уәделерінен ләззат алудың жалғыз жолы. Тәуелсіздік пен өз еркімен әрекет етуден әлдеқайда жақсы!
Өмірінің басында Дәуіт Сүлейменнің жастығы мен тәжірибесіздігіне сілтеме жасаған болатын. Енді ол оны жігерлендіріп, оған деген сенімін қайта-қайта білдіреді. Ол Сүлейменге өте қиын уақытта оған мейірімділік көрсеткен адамның ұлдарына мейірімділік көрсетуді айтады. Дәуіт сонымен қатар Сүлейменге өзінің өмір сүрген кезінде сәтті шеше алмаған әділет мәселелерін өз даналығына сәйкес шешуді айтады. Бұл қиын болуы мүмкін, бірақ әке үшін баласының даналығын танып, өз қателіктерін кішіпейілдікпен мойындауы өте маңызды. Жастарға дұрыс әрекет етуге сенейік, жігерлендірейік және көмектесейік, оларды әрдайым Иемізге нұсқайық!
