Monday, September 1, 2025

Ezilgenler Jaratqan Iyede jańadan quwanısh tabar, Jarlılar Izraildıń Muxaddesinde shadlanar.

Iyshaya 29:19

– Sizlerge shının aytıp turman: kewillerińizdi ózgertip, balalar sıyaqlı bolmasańız, Aspan Patshalıǵına kire almaysız. Solay etip, kim de kim ózin usı bala sıyaqlı pás tutsa, sol Aspan Patshalıǵında eń ullı boladı.

Matta 18:3-4

Al sulıwlıǵıńız sırlı bolǵan ishki dúnyańızdan, yaǵnıy jumsaq hám tınısh bolǵan joǵalmaytuǵın ruwxıy gózzallıqtan ibarat bolsın. Bul Quday aldında júdá qımbatlı.

1 Petr 3:4

Súyispenshilik sabırlı hám miyrimli. Súyispenshilik qızǵanbaydı, maqtanbaydı, menmenlik qılmaydı.

1 Korinfliler 13:4

Al sen, Qudaydıń adamı, bul nárselerden awlaq bol. Al haqlıqqa, Qudaydıń jolı menen júriwge, isenimge, súyispenshilikke, sabırlılıqqa hám múláyimlilikke umtılıp jasa.

1 Timofey 6:11

Moyıntırıǵımdı salıp, Mennen úyrenińler: óytkeni Men mómin hám kishipeyilmen. Solay etip, kewillerińiz tınıshlıq tabadı.

Matta 11:29

Ol ezilip, azap shekse de, awzın ashpadı, Soyılıwǵa alıp baratırǵan qoy kibi, Jún qırqıwshınıń aldında únsiz jatqan qoy kibi, Hesh awzın ashpadı.

Iyshaya 53:7

Óytkeni Quday sizlerdi usı ushın shaqırdı. Masiyxtıń Ózi sizler ushın azap shegip, Onıń izinen júriwińiz ushın órnek kórsetti. «Ol gúna islemedi, awzınan jalǵan sóz de shıqpadı». Xorlanǵanda, hesh kimge qarsı shıǵıp, kewline tiymedi. Ol azap shekkende de hesh kimdi qorqıtpadı, al Ózin ádillik penen húkim etiwshi Qudaydıń qolına tapsırdı.

1 Petr 2:21-23