Wednesday, August 27, 2025

Maqtawǵa ılayıqlı Jaratqan Iyeni shaqıraman, Qutqarılaman dushpanlarımnan. Ájel arqanları shırmap alıp, Nabıt qılıw aǵısları qorqıttı meni.

Zabur 17:4-5

Júrgenińde, olar seni jeteler, Uyıqlaǵanıńda, olar seni qorǵap turar, Oyanǵanıńda, olar saǵan keńes berer. Bul buyrıqlar – shıra, násiyatlar – nur. Dúzetiwshi tárbiya – ómirge jol.

Hikmetler 6:22-23

Qulaǵıńız art betten: «Mınaw durıs jol, sonnan júr», – degen dawıstı esitedi. Sonda ońǵa burılıw kerek pe, shepke burılıw kerek pe, bilesiz.

Iyshaya 30:21

Iysa jáne xalıqqa bılay dedi: – Men – dúnyanıń nurıman. Kim de kim Maǵan erse, qarańǵılıqta júrmeydi, al ómir nurına iye boladı.

Yuxan 8:12

Jáne bizlerde ele de isenimlirek bolǵan payǵambarlardıń sózleri bar. Tań atıp, tań juldızı jarqıraǵanday, júreklerińiz tolıq túsinik alatuǵın kúnge deyin qarańǵı jerde nurın shashqan shıraǵa uqsaǵan payǵambarlardıń sózlerine dıqqat awdarsańız, jaqsı qılasızlar.

2 Petr 1:19

Házir bizler hámmesin gúńgirt aynada kórgendey gúmilji kórip turmız. Biraq aqırǵı waqıt kelgende, júzbe-júz kóremiz. Házir men tolıq bilimge iye emespen, biraq aqırǵı waqıt kelgende, Quday meni tolıq bilgendey, men de Onı tolıq biletuǵın bolaman.

1 Korinfliler 13:12

Endi tún bolmaydı. Ya shıra jaqtısınıń, ya quyash jaqtısınıń keregi bolmaydı. Sebebi Quday Iyeniń Ózi olarǵa jaqtı boladı hám olar máńgi-baqıy patshalıq etedi.

Ayan 22:5