Жас жигит бақырды көше ўағызшысына: «Сен гүнаның аўырлығы ҳаққында айтасаң! Мен оны сезбеймен. Гүна қанша аўырлықта – 10, 80, 100 фунт?»
Ўағызшы жуўап берди: «Егер сен өлген адамның көкирегине 100 фунтлық жүк қойсаң, ол оны сезе ме?»
«Әлбетте жоқ. Ол өлген», – деп жуўап берди жас жигит.
«Ҳәм гүнасының аўырлығын сезбеген адам да сондай. Ол руўхый жақтан өлген», – деди ўағызшы. «Муқаддес Жазыў, Қудайдың бизге Сөзи, барлығы ‘қылмыслар ҳәм гүналарда өлген’ дейди (Ефеслилерге 2:2 NKJV). Егер сен гүналарыңның аўырлығын сезбесең, сен үрейлениўиң керек – сен руўхый жақтан өлгенсең».
Жуда аўыр кесел адамды көз алдыңа келтир қатты аўырыўдан азап шегип атырған. Бирден аўырыў тоқтайды. Ол тез арада жақсы болып кетемен дейди. Бирақ доктор жақсырақ биледи. Ол аўырыўды сезбейди, себеби өлим басланды. Ол аўырыўды сезиўге өлген, ҳәм тез арада өледи – болды!
Бул сениң руўхый жағдайыңның сүўрети ме? Егер сен гүнаң, айыбың яки мәңгилик қаерде өмириңди өткеретуғының ҳаққында ҳеш қандай қәўетер сезбесең, кеш болмай турып оян! Саған жәрдем керек, ҳәм ол ҳәзир керек!
Бәлким, сен гүнакар екениңди ҳәм ақырында Қудай тәрепинен ҳүким етилетуғыныңды билесең. Егер солай болса, сен Қудай сениң мүтәжлигиңди билетуғынын ҳәм Өзиниң Улы, Ийса Мәсихте Қутқарыўшыны алдыннан таярлағанын билгениңе қуўанасаң. Бул өмирди қутқарыўшы сөзлерди тыңла: «Қудай бизге болған Өзиниң сүйиспеншилигин мынада көрсетти, биз әли гүнакар болып турғанымызда, Мәсих биз ушын өлди» (Римлилерге 5:8).
Жаман жаңалық сол гүналарымыз ҳүким етиледи. Бирақ жақсы жаңалық сол, Ийса Мәсих, биздиң гүналарымыз ушын өлгенде, сол ҳүкимди алдыннан басынан өткерди. Оның гүналарың ушын өлгенинен пайда көргиң келе ме? Одан сениң Қутқарыўшың болыўын сора. Егер қалай ететуғыныңды билмесең, биз саған айта аламыз.
