Siz ómirge, ólimnen keyingi ómirge qızıǵasız ba? Áyyemgi Mısırlıqlar qızıǵatuǵın edi – júdá qattı. Olar ómirlerin ómir giltin alıw ushın islep, úmit etip ótkizdi. Olar bunıń ózlerine bereketli jerge kiriwge múmkinshilik beretuǵınına isendi. Aradaǵı mıń jıllar dawamında dúnyada úlken ózgerisler boldı, biraq adamnıń júreginde keyingi ómirge degen qálew eń áhmiyetli bolıp qala beredi.
Áyyemgi Mısırǵa Sapár
Mısırdaǵı áyyemgi esteliklerge sapar júdá tásirli hám bilim beriwshi boldı. Abdu, bizdiń jolbasshımız, bizdi bir úlken ibadatxanadan ekinshisine alıp bardı. Sonnan keyin Nil dáryası arqalı batıs tárepke ótip, uzın ótiw jolları arqalı jer astı qábirlerine tústik. Ol úlken diywallardaǵı hám sanlı baǵanalardaǵı, úlken háykellerdegi hám qábirlerdiń diywalları menen tóbelerin bezep turǵan oyıwlarǵa hám músinshilik jumıslarına isharat etti. Faraonlardıń súwretleri, olardıń erliklerin hám jetiskenliklerin súwretleytuǵın súwretler bar edi. Túrli qudaylardıń óz dástúrlerin orınlap turǵan súwretleri bar edi. Qalǵan hár bir bos orın ieroglifler menen qaplanǵan edi. Biz áyyemgi buyımlardıń úlkenligi menen salıstırǵanda, oyıwlar hám naǵıslardıń mayda-shúydeliginiń hám kámilliginiń úlkenliginen tań qaldıq.
Áyyemgi Ómir Gilti
Abdu bir simvolǵa isharat etti: "Bul ómir gilti," dedi ol. Bul júdá qızıqlı boldı. Biz onı jazıwda qayta-qayta tanıdıq. Biz onı faraonlardıń háykelleriniń qolında gilt sıpatında uslap turǵanın da kóp kórgenbiz. Biz qudaylardıń, yarım haywan hám yarım adam, úlken húkimdarǵa gilt usınıp turǵan súwretlerin kórgenbiz. Qanday qarama-qarsılıq! Ibadatxanalardıń qaldıqları, sınǵan hám qulaǵan háykeller, talanǵan qábirler. Hár tárepte ólimniń, wayran bolıwdıń belgileri, hám barlıǵı ómir giltimenen tamǵalanǵan. "Ha," dedi Abdu, "áyyemgi faraonlar ómirleri boyı ómir giltinalıw ushın tırısıp isledi. Olar jerdegi isleriniń tarazıda ólshenetuǵınına isendi, jaqsılıq bir tárepte, jamanlıq ekinshi tárepte. Eger jaqsılıq jamanlıqtan awır bolsa, olar ómir giltinalıwǵa qábiletli boladı."
Haqıyqıy Ómir Gilti
Sol jerde, pútkil maqtanıshı menen, Ramses II niń úlken háykeli turdı, qolı janında, ómir giltin uslap. Biz simvolǵa qayta qaradıq. "Ol nege uqsaydı?" Biz ózimizge soraw berdik. Bir-birimizge soradıq. Ierogliflerde ol "jasaw" yamasa "ómir" degen mánisti bildiredi. Ol qolları jayılǵan adamnıń súwretinen kelip shıqqan. Juwap bir awızdan keldi. "Krestke uqsaydı, Isa Máshihtiń krestine, Ol ólimge ushıraǵan krestke, Oǵan isengen hám Onı Rabbisi hám Qutqarwshısı sıpatında qabıl etken hár bir adamǵa máńgilik ómir beriw ushın." Áyyemgi ómir gilti máńgilik ómir bere almas edi. Kresttiń ózi ómir bere almaydı. Biraq krestte ólgen Adam, Ol bizge ómir giltin berdi. Mine, ol:
"Máńgilik ómir bul, Seni, jalǵız haqıyqıy Qudaydı, hám Sen jibergen Isa Máshihti biliw" (Yoxann 17:3).
Ólimnen keyingi ómirdi alıwǵa degen úlken qálew adamnıń júreginde qala beredi.
Siz ólimnen keyingi ómirge qızıǵasız ba?
Máńgilik Ómir Usınısı
Ómir gilti búgin sizge usınılmaqta. Rabbimiz Isa Máshihti isenim menen ózińizdiń jeke Qutqarwshıńız sıpatında qabıl etiw arqalı, máńgilik ómir, pútkil dańqı hám tolıqlıǵı menen, siziki boladı. Rabbimiz Isa Máshih: "Kim Meniń sózimdi esitse, hám Meni jibergenge isense, máńgilik ómirge iye boladı" (Yoxann 5:24) dedi.
