“Неге сен тозаққа бармайсаң ҳәм неге Қудай сени ҳүким етпейди?” – деп бир студент христиан достынан мысқыллы үн менен сорады. Оның досты үлкен атасы айтып берген ҳақыйқый бир ўақыяны еследи, ол христиан, Ийемиз Ийсаға ҳақыйқый исениўши, тозақтан қәўипсиз ҳәм қорғалған екенин кѳрсетип берди.
Мысал
Кѳп жыллар алдын, – деди христиан дос, – Қубла Америкадағы испан тиллес мәмлекетлердиң биринде, Британия пуқарасы жергиликли тәртипсизликке қатнасқанлықта айыпланды. Ол ѳлимге ҳүким етилип, атыў ушын әскерлер топары алдына алып келинди. Британия ҳәм Америка елшилери оның ѳлтирилиўине қарсы наразылық билдирди, бирақ нәтийжесиз болды.
Кеўилсиз, офицер "Атың!" деген буйрықты бериўге аз қалғанда, Британия елшилери ҳүким етилген адамның қасына асығып келип, оны Британия байрағына орап, бақырды:
“Егер батыл болсаң, ат!” Нәтийжеде әскерлер қуралларин таслады ҳәм адам Британия қорғаўына тапсырылды.
Руўхый Қолланыў
Бул Қутқарыўшының қанының қорғаўшылық қунлылығының таң қалдырарлық мысалы. Ийсаға исенген гүнакар, Мәсихтиң әдиллик кийими менен жабылған болып, Қудайдың гүналарына қарсы ҳүкиминен қутқарылады.
Сонлықтан, ҳәзир Мәсих Ийсада болғанларға ҳүким жоқ (Римлилер 8:1).
“Ийсаға исенген гүнакар ҳүким етилмейди, бирақ керрисинше қутқарылады... Мәсихтиң қымбатлы қаны менен” (1 Петр 1:18–19) ҳәм Қудайдың сүйкли перзентлеринен бири сыпатында қорғалады.
Мен Ийемиз ҳаққында айтаман: Ол мениң панаҳым ҳәм қорғаным: мениң Қудайым; Оған исенемен (Забур 91:2).
Бирақ исенбеген адам алдыннан ҳүким етилген, себеби ол Қудайдың жалғыз туўылған Улының атына исенбеген (Юҳанна 3:18).
Ийемиз Ийса Мәсихке исен, сонда сен қутқарыласаң (Ҳаўарийлердиң ислери 16:31)
