Bizler hámme esitkisi keletuǵın nárse: “Jaqsı jol!”
Jazǵı dem alısıńızdı joybarlap atırsız ba? Bálkim siz onı ótken jıldan beri joybarlap, barlıq rezervaciyalardı, sayaxat shártnamaların islegen hám alıp keliwińiz kerek bolǵan barlıq nárselerdi dizimge alǵansız.
Siz sayaxatıńız dawamında óliwdi de joybarlaǵanmısız? “Joq,” deysiz. Hesh kim hesh qashan joybarlamaydı, hám bul pikir qáweterli bolsa da, kóp adamlar óz dem alıs sayaxatları dawamında óledi – avtomobil apatlarınan, jıǵılıwlardan, suwǵa batıwdan, adam óltiriwshilikten, hátte cunamilerden. Bizler basqasha oylawdı qálesek te, turistlerdiń óliwi ádettegidey jaǵday emes.
Bizler hesh qashan óliwdi joybarlamaymız, biraq ol hár birimiz ushın qashıp bolmaytuǵın nárse. Injil bılay deydi:
ólim barlıq adamlarǵa keldi, sebebi hámme gúná etti (Romalılar 5:12 NIV). Geybirler: “Ólimnen keyin hesh nárse joq,” deydi. Biraq Injil onıń bar ekenligin kórsetedi – yamasa jánnet yamasa tozaq – hám ol: “Qudayıńızdıń aldına shıǵıwǵa tayarlanıń” (Amos 4:12) deydi. Eger bul jaman jańalıq sıyaqlı esitilse, jaqsı jańalıq ushın oqıwdı dawam etiń.
Isa Masih bizlerdiń atımızdan Qudaydıń aldına shıqtı hám bizlerdiń gúnálarımız ushın húkimimizdi Óz ústine alıw arqalı bizlerdiń jánnetke barıwımız ushın jol tayarladı. Ol Ózine isengen hámme ushın jol ashıq etti. Injil bılay deydi:
Quday dúnyanı sonday súydi, Ol Óziniń jalǵız Ulın berdi, Oǵan isengen hár bir adam joq bolmasın, bálkim máńgilik ómirge iye bolsın (Yuhanna 3:16).
Bizler tayarlana alamız Onıń Ulı arqalı Qudaydıń aldına shıǵıwǵa hám waqıtı kelgende jánnetke “jaqsı jol” (jaqsı sayaxat) etiwge. Yamasa, Isa aytqanday, bizler
sırtqı qarańǵılıqqa taslanıwımız múmkin, ol jerde jılaw hám tis qayraw boladı (Matta 8:12). Tańlaw bizlerdiki!
Eger sizge sońǵı sayaxatıńızdı haqıyqattan da jaqsı etiw ushın kóbirek maǵlıwmat kerek bolsa, bizler menen baylanısıń.
