Muqaddes Ruhqa tolı hám Másih hámme nárseniń ózi bolǵan Másihshi qanday tájiriybelerge iye bola aladı? Mine, biz Filippiliklerge jazılǵan xatta, Pawıldıń 4 jıl tutqınlıqtan keyin túrmeden jazǵan quwanısh xatında mine, usını kóremiz! Bunı kóz aldınıza keltiriń!
Birinshi bólis, 21-ayatta Pawıl bılay deydi: «Men ushın, jasaw Másih hám óliw payda» - Bul degeni: Másih onıń pútkil ómiriniń maqseti. Pawıl ne islese de, onı Másihti esapqa alıp isledi.
Ekinshi bólis, 5-ayatta ol bılay deydi: «Bul pikir sizde de bolsın, ol Másih Isada da bar edi.» Bul jerde Másih bizdiń úlgi bolıp tabıladı, Ol bul jerde kishipeyillik hám boysınıwda kórsetken minez-qulqı menen. Biz ergiwimiz kerek bolǵan úlgi.
3:14-bólisde Másih dańqtaǵı maqset. Biz Oǵan barǵan sayın kóbirek umtılıp atırmız. Sebebi biz Onı jaqsıraq bilmekshimiz hám Onıń menen sheriklikten lázzet alǵımız keledi.
Hám 4-bólis, 13-ayatta Pawıl bılay deydi: «Men meni kúshlendirgen Ol arqalı barlıq nárseni isley alamın.» Másih bizdiń ómirimizdiń hár bir jaǵdayı ushın kúsh deregi.
Ómir maqseti, úlgi, dańqtaǵı maqset hám kúsh deregi - Másih hámme nárseniń ózi!
