Sunday, June 21, 2026

Sebebi Adam Ulı Ózine xızmet ettiriwge emes, al Ózi xızmet etiwge hám kóplerdiń azatlıq qunın tólew ushın, Óz janın baǵıshlawǵa keldi, – dedi.

Mark 10:45

Arańızda kim birinshi bolǵısı kelse, sol hámmege qul bolıwı shárt.

Mark 10:44

Quday nasıralı Iysaǵa Muxaddes Ruwx hám qúdiret berip, xızmetke tayınladı. Iysa hámme jerdi aylanıp jaqsılıq isledi, shaytannıń qol astında bolǵanlardıń hámmesine shıpa berdi. Óytkeni Quday Onıń menen birge edi.

Elshiler 10:38

Bir-birińizdiń awırmanlıǵıńızdı kóterińler. Sonda Masiyxtıń Nızamın orınlaysızlar.

Galatiyalılar 6:2

«Bizler menen birge bolǵan waqtında juwas, biraq aramızda bolmaǵan waqtında qatal», – dep ayırımlarıńız sóz qılatuǵın men, Pavel, Masiyxtıń múláyimliligi hám sabırlılıǵı menen sizlerden ótinemen:

2 Korinfliler 10:1

Hesh bir nárseni óz ataq-abırayıńızdı asırıw ushın yamasa maqtanshaqlıq penen islemeńler. Al hár birińiz kishipeyillik penen, basqalardı ózińizden ústin dep esaplańlar.

Filipliler 2:3

Iysa: – Áke, olardı keshire gór! Olar ne islep atırǵanın bilmeydi, – dedi. Áskerler shek taslap, Iysanıń kiyimlerin bólisti.

Luka 23:34

Al bir-birińizge miyirman hám jan ashır bolıńlar. Quday sizlerdi Masiyx arqalı keshirgendey, sizler de bir-birińizdi keshirińler.

Efesliler 4:32

«Qudayda jasayman» degen adam Iysa sıyaqlı jasawı shárt.

1 Yuxan 2:6

Isenimimizdiń tiykarın salıwshı hám onı minsizlikke eristiriwshi Iysaǵa kóz tigeyik. Ol Ózin kútip turǵan quwanısh ushın, atanaq aǵashta shegeleniwdiń shermendeshiligin pisent etpey ólimge barıp, Qudaydıń taxtınıń oń jaǵına otırdı.

Evreyler 12:2